សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក សេង ឡេង អតីតចៅ សង្កាត់ជ័យជំនះ ខណ្ឌដូនពេញ ដែលមានជំងឺកំពុងសំរាកព្យាបាលនៅផ្ទះ ត្រូវបានលោកស្រី នូ ថាវរី អភិបាលរងខណ្ឌដូនពេញ តំណាង លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានកិត្តិយសអនុសាខាកាកបាតក្រហមកម្ពុជា ខណ្ឌដូនពេញ បានដឹកនាំសមាជិកសមាជិកា ចុះសាកសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ទៅចុះសួរសុខទុក្ខ ។
លោកស្រី នូ ថាវរី អភិបាលរងខណ្ឌ បានឲ្យដឹងថា ដោយមានការយកចិត្តទុកដាក់ពីថ្នាក់ដឹកនាំ ទើបនៅរសៀលថ្ងៃទី២៥ ខែមេសា ឆ្នាំ២០១៩ លោកស្រី បានដឹកនាំសមាជិកសមាជិកា ចុះសាកសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដើម្បីចូលរួមចែករំលែកនូវជីវភាពខ្វះខាតមួយចំនួនដល់លោក សេង ឡេង ផងដែរ ។
លោកស្រីបន្តថា អំណោយមនុស្សធម៌ដែលបានប្រគល់ជូន រួមមាន៖ ថវិកាចំនួន ២០រៀល, អង្ករចំនួន០២ បាវស្មើ និង៦០គីឡូក្រាម ទឹកត្រីចំនួន ០១យួរ ស្កសរចំនួន៤គីឡូ និងតែចំនួន១០កព្ចាប់ ៕ស តារា
