សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ឃ្លាំងស្តុបបាឡែត្រឈើ និងប៉ាឡែត្រជ័ររបស់ពលរដ្ឋមួយកន្លែង ត្រូវបានអគ្គិភ័យឆាបឆេះយ៉ាងសន្ធោសន្ធៅ បណ្ដាល្យខូចខាតទាំងស្រុង ដោយសារឆ្លងចរន្តអគ្គិសនី ។ ហេតុការណ៍ខាងលើ បានកើតឡើងនៅវេលាម៉ោង២៣ និង៣០នាទី ថ្ងៃទី២៩ ខែមេសា ឆ្នាំ២០១៩ ស្ថិតក្នុងភូមិរកាធំ ឃុំបែកចាន ស្រុកអង្គស្នួល ខេត្តកណ្តាល ។
មន្ត្រីនគរបាលស្រុកអង្គស្នួលបានឲ្យដឹងថា ឃ្លាំងស្តុបបាឡែត្រឈើ និងប៉ាឡែត្រជ័រមានទំហំ១០x២០ម៉ែត្រ ធ្វើអំពីដែក ប្រក់ស័ង្កសី ជញ្ជាំងថ្ម និងរថយន្ត១គ្រឿងម៉ាកឡិចសុីស៣៣០ ខូចខាតទាំងស្រុង ជារបស់ឈ្មោះ ផន ផៃភេទប្រុស អាយុ៥២ឆ្នាំ មុខរបរលក់ដូរ ។
ប្រភពដដែលបន្តថា ក្រោយពីកម្លាំងនគរបាលស្រុកទទួលបានព័ត៌មានអគ្គិភ័យខាងលើ ភ្លាមនោះ ។
លោកវរសេនីយ៍ឯក មាន សំណាង អធិការនគរបាលស្រុកអង្គស្នួល បានដឹកនាំកំលាំងចុះអន្តរាគមន៍ ដោយសហការជាមួយកំលាំងប៉ុស្ដិ៍បែកចាន , ប៉ុស្តិ៍ក្រាំងម្កាក់ , ប៉ុស្តិ៍ព្រៃពួច ប្រជាការពារ និងប្រជាពលរដ្ឋជាច្រើននាក់ បានជួយពន្លត់ភ្លើង ដែលកំពុងឆាបឆេះ ដោយប្រើរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកណ្ដាល អស់ចំនួន៤គ្រឿង , រថយន្តកងពលតូចលេខ៧០ចំនួនន០៣គ្រឿង និងរថយន្តឆត្រយោង៩១១ ចំនួន២គ្រឿង សរុបទាំងអស់មានចំនួន៩គ្រឿង ប្រាស់ទឹក អស់ចំនួន១៨រថយន្ត ភ្លើងត្រូវបានរលត់ជាស្ថាពរ ។
ក្រោយពីអន្តរាគមន៍ពន្លត់រួច សមត្ថកិច្ចសន្និដ្ឋានថា គឺបណ្តាលមកពីឆ្លងចរន្តអគ្គិសនី ៕ ស្អាងជ័យ
