សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ បានដើរតាមផ្លូវ ត្រូវរថយន្តមិនស្គាល់ម៉ាក បុក និងកិនបែកក្បាល បណ្តាលឲ្យស្លាប់ នៅក្នុងថ្លក់ឈាម យ៉ាងអាណោចអាធ័ម ចំណែករថយន្ត បើករត់គេចខ្លួនបាត់ បង្កឲ្យមានការភ្ញាក់ផ្អើលកាលវេលម៉ោង ៧ និង៤០នាទីយប់ ថ្ងៃទី ៣០ ខែមេសា ឆ្នាំ ២០១៩ នៅតាមបណ្ដោយផ្លូវ មហាវិថីឈ្នះឈ្នះ (ហៅផ្លូវទំនប់កប់ស្រូវ) ដែលស្ថិតនៅ ភូមិ ត្រពាំងធ្នង់ សង្កាត់ សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
តាបប្រភពព័ត៌មានពីកន្លែងកើតហេតុបានឲ្យដឹងថា មុនកើតហេយុគេឃើញរថយន្តធុនធំមួយគ្រឿងមិនចាំស្លាកលេខ ធ្វើដំណើរទិសដៅពីជើងទៅត្បូង លុះមកដល់ចំណុចកើតហេតុខាងលើ បានជ្រុលទៅបុក និងកិនជនរងគ្រោះ ខណៈកំពុងដើរតាមផ្លូវបណ្តាលឲ្យបែកក្បាលស្លាប់ក្នុងថ្លុកឈាម នៅកណ្តាលផ្លូវយ៉ាងអាណោចអាធ័ម ចំណែករថយន្តបានបើកតត់គេចខ្លួនបាត់ស្រមោល ។
ក្រោយកើតហេតុ សមត្ថកិច្ចមូលដ្ឋានទំនាក់ទំនងទៅសមត្ថកិច្ចជំនាញ ចុះមកធ្វើកំណត់ហេតុការណ៍ រួចដឹកសពយកទៅតម្កល់ទុកនៅវត្តពោធិ៍ចិនតុង រង់ចាំប្រគលជូនសាច់ញាតិយកទៅធ្វើបុណ្យតាមប្រពៃណី ៕ សុខាសែនជ័យ
