សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បន្ទាប់ពីមានជនសង្ស័យ២នាក់ បានធ្វើសកម្មភាពចូលក្នុងផ្ទះរបស់ប៉ូលិសប៉ុស្ដិ៍ជើងឯក ម្នាក់ លួចកាច់.កម៉ូតូបានសម្រេច និងព្យាយាមជិះគេចខ្លួន ក៏មានកម្លាំងសមត្ថកិច្ចមូលដ្ឋានខណ្ឌដង្កោជាច្រើនរូប បានពួនស្ទាក់ និងដេញចាប់ខ្លួនបានម្នាក់ ក្នុងចំណោមបក្ខពួក២នាក់ ។
ករណីខាងលើនេះ បានបង្កការភ្ញាក់ផ្អើលដល់កងកម្លាំងសមត្ថកិច្ចខណ្ឌដង្កោ កាលពីវេលាម៉ោង ២ និង៣០ នាទីរសៀល ថ្ងៃទី ០១ ខែឧសភា ឆ្នាំ២០១៩ នៅចំណុចភូមិ ព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ។
សមត្ថកិច្ចបានប្រាប់ឲ្យដឹងថា ជនសង្ស័យឈ្មោះ កិចឈិនចិន អាយុ៤៥ឆ្នាំ ស្នាក់នៅភូមិ៨ឆោម ឃុំកំពុងលួងស្រុកពញ្ញាឭ ខេត្ដកណ្ដាល ។ ចំណែកជនរងគ្រោះមានឈ្នោះ ណួ វីរះ អាយុ៣១ឆ្នាំ ស្នាក់នៅភូមិព្រែថ្លឹង សង្កាត់ជើងឯក និងមុខរបរ ជាមន្រ្តីនគរបាលប៉ុស្តិ៍ជើងឯក ស្នាក់នៅចំណុចកើតហេតុខាងលើ ។
ជនរងគ្រោះបានប្រាប់ឲ្យដឹងថា មុនពេលកើតហេតុនៅវេលាម៉ោង ១២ថ្ងៃត្រង់ខ្លួនបានមកពីការពារក្បួនថ្នាក់ដឹកលើ រួចក៏មកផ្ទះហូបបាយទុកម៉ូតូម៉ាក ស្កុបពី ពណ៌ស ដែលពាក់ស្លាកលេខ. នគរបាល1-2493 បាន
នៅក្រោមផ្ទះខ្លួន រួចក៏ដេកលក់មួយសន្ទុះ លុះដល់វេលាម៉ោងកើតហេតុបានភ្ញាក់ដឹងខ្លួនក៏ឃើញជនសង្ស័យជិះម៉ូតូរបស់ខ្លួនបម្រុងរត់គេចខ្លួន ដោយមានបក្សពួកម្នាក់ទៀតជិះតាមក្រោយ ។
ជនរងគ្រោះបានបន្ដទៀតថា ពេលនោះខ្លួនក៏បានឡើងវិទ្យុទាក់ទង (ID) ទៅកងកម្លាំងមូលដ្ឋានខណ្ឌដង្កោ ឲ្យជួយដេញតាមពីក្រោយរហូតដល់ក្បែរប៉ុស្ដិ៍នគរបាលព្រែកកំពឹសតាមបណ្ដោយផ្លូវជាតិលេខ២ ទើបសមត្ថកិច្ចធ្វើការស្ទាក់ចាប់ជនសង្ស័យបានម្នាក់ ចំណែកបក្សពួកម្នាក់ទៀតឃើញសភាពការមិនស្រួលក៏បានជិះម៉ូតូរត់គេចខ្លួនបាត់ស្រមោល ។
ក្រោយពេលឃាត់ខ្លួនជនសង្ស័យត្រូវបានសមត្ថកិច្ចនាំខ្លួនយកមកកាន់ប៉ុស្ដិ៍នគរបាលជើងឯក ដើម្បីធ្វើការសាកសួរ និងកសាងសំណុំរឿងចាត់បន្ដតាមនីតិវិធីច្បាប់ ។ ចំណែកម៉ូតូជនរងគ្រោះត្រូវបានប្រគល់ឲ្យជនរងគ្រោះវិញ ៕ ភារ៉ា ដង្កោ
