សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ ហេតុការណ៍នេះ បានកើតឡើងកាលពីវេលាម៉ោង៦ព្រឹក ថ្ងៃទី២ ខែឧសភា ឆ្នាំ២០១៩ នៅលើដីឡូតិ៍មួយកន្លែងទល់មុខផ្ទះលោកស្រី មិថុនា ភូថងអភិបាលខេត្តកោះកុង ស្ថិតនៅភូមិ៤ សង្កាត់ដងទង់ ក្រុងខេមភូមិន្ទ ។
ក្រោយពីទទួលបានព័ត៌មាន លោកអធិការក្រុង និងស្នងការនគរបាល បានចាត់កម្លាំងចុះមកទីតាំងពិនិត្យភ្លាមៗតែម្តង ។ តាមប្រភពនាយរងការិយាល័យព្រហ្មទណ្ឌកម្រិតធ្ងន់ នៃស្នការដ្ឋាននគរបាលខេត្តបានឲ្យដឹងថា៖ លទ្ធផលនៃការត្រួតពិនិត្យលើវ៉ាល្លីសចំនួន៤ គឺពុំមានសារធាតុជាតិផ្ទុះ ឬគ្រាប់បែកអ្វីគួរឲ្យកត់សម្គាល់នោះទេ គឺមានតែសម្លៀកបំពាក់បុរស និងនារី ព្រមទាំងគ្រឿងសម្អាងខ្លួនប៉ុណ្ណោះ ។
សមត្ថកិច្ចពុំទាន់អាចសន្និដ្ឋានបានភ្លាមៗទេថា វ៉ាល្លីសចំនួន៤ខាងលើជាកម្មសិទ្ធិរបស់ពលរដ្ឋខ្មែរ ឬជនបរទេសនោះទេ ។ ក្រោយពីពិនិត្យរួច វ៉ាល្លីសទាំងនោះ ៤ខាងលើ ត្រូវបានយកទៅរក្សាទុកនៅអធិការដ្ឋានក្រុងខេមរភូមិន្ទ ដើម្បីស្វែងរកម្ចាស់មកទទួលយកទៅវិញ ។
មូលដ្ឋានខេត្តកោះកុងដែលជាខេត្តមួយមានព្រំដែនក្បែរប្រទេសថៃ គឺកម្រកើតមានហេតុការណ៍ឧក្រិដ្ឋកម្ម និងព្រហ្មទណ្ឌធំៗណាស់ ។ ដោយខេត្តនេះមានភូមិសាស្ត្រអំណោយដល់គ្រប់គ្រងរបស់សមត្ថកិច្ច ទើបធ្វើឲ្យជនសង្ស័យមួយចំនួនពុំហ៊ានប្រព្រឹត្តសកម្មភាពខុសច្បាប់ ៕ សសម
