សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ បុរសជនជាតិបរទេសម្នាក់បានស្លាប់ ដោយសារតែធ្វេសប្រហែស ស្ទូចយកម៉ាស៊ីនខូចប្រុងជួសជុល ប៉ុន្តែត្រូវកៀបជាប់ជាមួយជញ្ជាំងរថយន្ត បង្កឲ្យមានការភ្ញាក់ផ្អើលដល់ក្រុមកម្មករ និងអាជ្ញាធរសមត្ថកិច្ចក្នុងខេត្តកំពង់ស្ពឺ កាលពីយប់ថ្ងៃទី០២ ខែឧសភា ឆ្នាំ២០១៩ ស្ថិតនៅក្នុង ឃុំធម្មតាអរ ស្រុកសំរោងទង ខេត្តកំពង់ស្ពឺ ។
បើតាមរបាយការណ៍របស់នគរបាលស្រុកសំរោងទងបានឲ្យដឹងថា មានករណីជនជាតិ ឥណ្តូនេស៊ីម្នាក់បានស្លាប់ ដោយសា រតែការឆ្វេសប្រហែសស្ទួចម៉ាស៊ីនរថយន្តដែលខូចនោះដើម្បីយកទៅជួសជុល ដាក់លើរថយន្ត ប៉ុន្តែជាអកុសលបានរអិលម៉ាសុីននោះថយក្រោយ ក៏កៀបជាប់ និងជញ្ជាំងរថយន្តបានស្លាប់ភ្លាមៗមួយរំពេច នៅចំណុចក្រុមហ៊ុនកិនថ្មរយីហោ (HTTK)ដែលមានទីតាំងស្ថិតនៅក្នុងភូមិព្រៃវាវ ឃុំធម្មតាអរ ស្រុកសំរោងទង ខេត្តកំពង់ស្ពឺ ។
តាមការបញ្ជាក់ឲ្យដឹងពីជំនាញនគរបាលខេត្ដ និងនគរ បាលស្រុកសំរោងទង ជនរងគ្រោះមានឈ្មោះ SAHID ភេទ ប្រុស អាយុ ៤៣ ឆ្នាំ មុខរបរ ជាងជួសជុលម៉ាស៊ីន ជនជាតិឥណ្ឌូនេស៊ី ។ នគរបាលបន្តថា នៅមុនពេលកើតហេតុ ជនរងគ្រោះបានប្រើឲ្យឈ្មោះ ផន ផល្លា ភេទប្រុស អាយុ ២២ ឆ្នាំ បើករថយន្តចាំដឹកម៉ាស៊ីនដែលខូចនោះយកទៅដាក់ក្នុងរោងជាង ដើម្បី ជួសជុលដោយមានឈ្មោះ ឃឹម សៀ ហៅយុង ភេទប្រុសអាយុ ៤២ ឆ្នាំ អ្នកបើកគ្រឿងចក្រ (អាអ៊ិច)ស្ទូចម៉ាស៊ីន ដាក់លើរថយន្ត ហើយជនរងគ្រោះ និងឈ្មោះ សូ ថា ភេទប្រុស អាយុ ៥៣ ឆ្នាំ មុខរបរ កម្មករ អ្នករៀបចំស៊ីញ៉ូ ស្ទួចម៉ាស៊ីនដាក់លើរថយន្តឲ្យបាន ត្រឹមត្រូវផងនោះ ។ ក្រោយមកជនរងគ្រោះប្រើឲ្យឈ្មោះ សូ ថា ចុះពីលើរថយន្តវិញ ដោយជនរងគ្រោះជា អ្នកឈរទប់ ម៉ាស៊ីនម្នាក់ឯងនោះទេ ពេលដល់ក្នុងរោងជាងឈ្មោះ សូ ថា បានឡើងលើរថយន្តយកខ្សែកាប្លិ៍ កៅឡាក់ បំរ៉ុង ស្ទួចម៉ាស៊ីនចុះស្រាប់តែ ឃើញ ជនរងគ្រោះ កៀបម៉ាស៊ីនជាប់ផ្ទុប និងជញ្ជាំងរថយន្ត បណ្តាលឲ្យស្លាប់បាត់ទៅហើយ ។
ក្រោយពីការពិនិត្យ និងស្រាវជ្រាវស៊ើបអង្កេត ករណីគ្រោះថ្នាក់ខាងលើនេះពីជំនាញកោសល្យវិច័យ និងវិទ្យាសាស្ត្រខេត្តការស្លាប់របស់ជនបរទេសនោះ បណ្ដាលមកពីកត្ដាឆ្វេសប្រហែសពីជនរងគ្រោះ “ ម៉ាស៊ីនរអិលមកកៀបជាប់ និងជញ្ជាំងរថយន្ត” បច្ចុប្បន្នសាកសពបានប្រគល់ជូនជំនាញដើម្បីចាត់ចែងតាមនីតិវិធី ជូនក្រុមគ្រួសារ និងសាច់ញាតិយកទៅធ្វើបុណ្យតាមប្រពៃណី ៕ សេនាស័ក្តិ
