សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ បុរសជនជាតិចិនម្នាក់ ត្រូវបានគេប្រទះឃើញទើរ នឹងរបងថ្មកាលពីព្រឹកថ្ងៃទី៣ ខែឧសភា ឆ្នាំ២០១៩ នៅចំណុចអាគារ១៨ជាន់ (កាស៊ីណូCrown) ឋិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
សពជនជាតិចិន មានឈ្មោះ ZHOU JIE ភេទប្រុស អាយុ១៨ឆ្នាំ ស្នាក់នៅកន្លែងកើតហេតុ សភាពសពគេឃើញស្លៀកខោស្ព័រ ជើងវែង ពាក់អាវយឺតពណ៌សជាប់នឹងដៃ ។
នគរបាលមូលដ្ឋានបង្ហើបថា សពជនជាតិចិនខាងលើនោះ ក្រោយពីកម្លាំសមត្ថកិច្ចជំនាញពិនិត្យ និងធ្វើកោសល្យវិច័យ ទៅលើដងខ្លួនពុំមានស្លាក់ស្នាមក្នុងករណីឃាតកម្មនោះទេ អាចនឹងធ្លាក់ដោយខ្លួនឯង ។
ករណីខាងលើនេះ លោកអធិការក្រុងប៉ោយប៉ែតធិន ស៊ិន ដេត ប្រាប់តាមទូរស័ព្ទថា ករណីខាងលើនេះ មិនមែនជាករណីឃាតកម្មនោះទេ ហើយសពរងគ្រោះអាច ធ្លាក់ពីលើអគារ៣ជាន់មកលើរបងថ្មខាងក្រោមផ្កាប់មុខ ពោះគងរបងថ្ម តែពេលនេះ កម្លាំងជំនាញនៅបន្តស្រាវជ្រាវ រកមូលហេតុ ចំពោះករណីបុរសចិនស្លាប់ខាងលើ ។
លោកបញ្ជាក់ថាៈ សពរងគ្រោះត្រូវយកទៅដំកល់នៅក្នុងវត្តត្រាច រង់ចាំសាច់ញាតិមកយកទៅធ្វើបុណ្យតាមប្រពៃណី ៕ វណ្ណា
