សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ បុរសម្នាក់បើកបរម៉ូតូសណ្តោងរ៉ឺម៉ក ជ្រុលទៅបុករថយន្តកែឆ្នៃ ស្របទិសគ្នាពីត្បូងទៅជើងចំពីក្រោយ ខណៈដែលបន្ថយល្បឿន ជាន់ហ្វ្រាំងឈប់យ៉ាងពេញទំហឹង បណ្តាលឲ្យស្លាប់ភ្លាមៗនៅកន្លែងកើតហេតុ ។
ករណីគ្រោះថ្នាក់នេះ បានកើតឡើងនៅវេលាម៉ោងប្រហែល ៤និង៣០នាទីរសៀល ថ្ងៃទី៥ ខែឧសភា ឆ្នាំ២០១៩ នៅចំណុច ភូមិកែង ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ ។
ប្រភពពីសមត្ថកិច្ចបានឲ្យដឹងថា ជនរងគ្រោះឈ្មោះ សៀក ផៃ ភេទប្រុស អាយុ៤៦ ឆ្នាំ រស់នៅ ភូមិវឌ្ឍនៈ ឃុំវឌ្ឍនៈ ស្រុកសំបូរ ខេត្តក្រចេះមាន ប្រពន្ធ ឈ្មោះស៊ាង ណាវី អាយុ៤៤ ឆ្នាំ ។
ក្រោយកើតហេតុសមត្ថកិច្ចបានប្រគល់ សាកសពឲ្យបងប្អូនសាច់ញ្ញតិយកទៅធ្វើបុណ្យ ។
មធ្យោបាយត្រូវសមត្ថកិច្ចរឹបអូសយកទៅរក្សារទុកនៅអធិការដ្ឋាន ធ្វើកំណត់ហេតុរង់ចាំដោះស្រាយតាមច្បាប់ចរាចរណ៍បន្ត ។
ឯអ្នកបើកបររថយន្តកែច្នៃ ត្រូវបានគេស្គាល់ឈ្មោះ ជិន ផាន់ណា ភេទប្រុស អាយុ៣៨ ឆ្នាំ រស់នៅ ភូមិតំបែរ ឃុំតំបែរ ខេត្តត្បូងឃ្មុំ សមត្ថកិច្ចកំពុងកោះហៅឲ្យចូលខ្លួនមកដោះស្រាយតាមក្រោយ ៕ ជីវន្ត័
