សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ស្មាន ម៉ាណាន រដ្ឋលេខាធិការក្រសួងការបរទេស និង សហប្រតិបត្តិការអន្តរជាតិ តំណាង លោកឧកញ៉ាបណ្ឌិត អូស្មាន ហាស្សាន់ ទេសរដ្ឋមន្រ្តី និងជាប្រធានគណៈកម្មការរៀបចំអាហារស្រាយបួស ខែរ៉ម៉ាឌន នៃសាសនាឥស្លាមកម្ពុជា បាន អញ្ជើញទទួលបដិសណ្ឋារកិច្ច ការអញ្ជើញដល់ លោក Dato’ Sri Dr. Haji Wan Junaidi Bin Tuanku Jaafar សមាជិកសភាជាតិម៉ាឡេស៊ី និង លោកស្រី ព្រមទាំង លោក Dato’ Aidit សមាជិកក្រុមប្រឹក្សាសាសនាឥស្លាមនៅរដ្ឋស្លាង័រ ប្រទេសម៉ាឡេស៊ី ដើម្បីចូលរួមពិធីពិសាអាហារស្រាយបួសរ៉ាម៉ាឌន នៃសាសនាឥស្លាមកម្ពុជា ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅមជ្ឈមណ្ឌលកោះពេជ្រ រាជធានីភ្នំពេញ នៅល្ងាច ថ្ងៃអង្គារ ៤កើត ខែពិសាខ ឆ្នាំកុរ ឯកស័ក ព.ស ២៥៦២ត្រូវនឹងថ្ងៃទី៧ ខែឧសភា ឆ្នាំ ២០១៩ នេះ ។
សូមបញ្ជាក់ថា៖ សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន នឹងអញ្ជើញចូលរួមពិធីពិសារអាហារស្រាយបួស ខែរ៉ាម៉ាឌន លើកទី០៦ នៃសាសនា ឥស្លាម-កម្ពុជា នៅល្ងាច ថ្ងៃអង្គារ ០៤កើត ខែពិសាខ ឆ្នាំកុរឯកស័ក ព.ស ២៥៦២ ត្រូវនឹង ថ្ងៃទី០៧ ខែឧសភា ឆ្នាំ២០១៩ នេះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញចូលរួមក្នុងពិធីស្រាយបួស ខែរ៉ាម៉ាឌន នៃសាសនាឥស្លាមកម្ពុជា ដែលមានសាសនិកឥស្លាមចូលរួម តាមគម្រោង ប្រមាណជាង ជាង៤០០០នាក់ ដែលធ្វើឡើងនៅ មជ្ឍមណ្ឌលកោះពេជ្រ រាជធានីភ្នំពេញ ។
សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តែងតែអញ្ជើញចូលរួមពិសារអាហារស្រាយបួសជាមួយបងប្អូនខ្មែរឥស្លាមជារៀងរាល់ឆ្នាំ ។ វត្តមានរបស់សម្តេចទាំងទ្វេ គឺបង្ហាញពីភាពស្និទ្ធស្នាលរវាងប្រមុខថ្នាក់ដឹកនាំ ប្រទេសដែលកាន់សាសនាព្រះពុទ្ធ ជាមួយបងប្អូនប្រជាពលរដ្ឋ ដែលកាន់សាសនាឥស្លាម ក៏ដូចជាសាសនាផ្សេងៗទៀតផងដែរ ។ សាសនិកឥស្លាមនៅកម្ពុជា និងពិភពលោកបានមើលឃើញកាន់តែច្បាស់ ចំពោះភាពសុខដុមនីយកម្មយ៉ាងកក់ក្តៅ និងក្តីស្រឡាញ់ដ៏ជ្រាលជ្រៅ ពីសំណាក់សម្តេចទាំងទ្វេ មកលើសាសនិកឥស្លាម ដូចគ្នាទៅនឹងប្រជាពលរដ្ឋកម្ពុជាទាំងមូល ។
សម្តេចតេជោ ហ៊ុន សែន និងសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន បានសម្តែងនូវសេចក្តីសប្បាយរីករាយក្រៃលែង ដែលបានអញ្ជើញមកជួបជុំជាមួយបងប្អូនឥស្លាមកម្ពុជានាពេលនេះ ៕ សំរិត
