ព័ត៌មានទាន់ហេតុការណ៍៖

បុរសម្នាក់ដាច់ក្បាល ធ្លាក់ពីលើស្មា ក្នុងករណីគ្រោះថ្នាក់ចរាចរណ៍

ចែករំលែក៖

ខេត្តបន្ទាយមានជ័យ៖ បុរសម្នាក់បានស្លាប់ដាច់ក្បាលធ្លាក់ពីលើស្មា ដោយសារថយន្តកែច្នៃបុក កាលវេលាម៉ោង​៦និង​១០នាទីយប់ ថ្ងៃទី​ ១០ ខែឧសភា ឆ្នាំ២០១៩ ​ត្រង់ចំណុចខាងលិចរោងម៉ាស៊ីនកិនស្រូវ​ តា​ណង​ ប្រហែល​ ៥០ម៉ែត្រ​ ស្ថិតក្នុង​ ភូមិទឹកថ្លា​ សង្កាត់ទឹកថ្លា​ ក្រុងសិរីសោភ័ណ​ ខេត្ត​បន្ទាយមានជ័យ​ ។

សមត្ថកិច្ចមូលដ្ឋានប្រាប់ថា ជនរងគ្រោះស្លាប់​ ​ឈ្មោះ​ សួន​ សុខនី​ ភេទប្រុស​ រស់នៅ​ ភូមិបត់ត្រង់​ ឃុំបត់ត្រង់​ ស្រុកមង្គលបូរី​ ខេត្តបន្ទាយមានជ័យ​ (អ្នកបើកបរម៉ូតូ​) ។ សមត្ថកិច្ចបញ្ជាក់ថា មុនកើតហេតុ ជនគ្រោះជិះម៉តូម៉ាកឌ្រឺមសង់ ពណ៌ខ្មៅ ពាក់ស្លាកលេខ បន្ទាយមានជ័យ1R.2860 ពីលិចទៅកើតស្របពេលមេឃកំពុងតែរលឹម បើកក្នុងទិសដៅបញ្ច្រាសទិសជាមួយគោយន្តច្នៃ​ លុះដល់ចំណុចកើតហេតុ រថយន្ត​ បុកម៉ូតូជនរងគ្រោះតែម្ដង បណ្តាលឲ្យ​ ម៉ូតូ​ខូចធ្ងន់​ ចំណែក​ រថយន្ត​កែច្នៃ​ ខូចស្រាល ។

មូលហេតុ​ រថយន្តកែច្នៃបើកប្រជែងក្នុងស្ថានភាពគ្រោះថ្នាក់​ អាកាសធាតុមេឃកំពុងភ្លៀងរលឹម​ ។

ក្រោយកើតហេតុ​ អ្នកបើកបររថយន្ត​កែច្នៃ​ បានរត់គេចខ្លួនបាត់​ បន្សល់ទុកតែវត្ថុតាង​ រថយន្ត​កែច្នៃ​ នៅកន្លែងកើតហេតុ​ ។

ក្រោយពីកើតហេតុ កម្លាំងសមត្ថកិច្ចបានវាស់វែងរូចរាល់ប្រគល់សពឲ្យសាច់ញាតិយកធ្វើបុណ្យតាមប្រពៃណី ចំណែកវត្ថុតាងសមត្ថកិច្ច ប្រមូលទុកកន្លែងអធិការក្រុងរង់ចាំដោះស្រាយតាមផ្លូវច្បាប់ ៕ វណ្ណា


ចែករំលែក៖