សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ យុវតីរូបស្រស់ម្នាក់ ទំនងខូចចិត្តរឿងស្នេហា បានបញ្ចប់ជីវិត ចងកសម្លាប់ខ្លួន ភ្ញាក់ផ្អើលឡើងកាលពីវេលាម៉ោង ៦ និង៣០នាទីព្រឹក ថ្ងៃទី១៦ ខែឧសភា ឆ្នាំ២០១៩ នៅក្នុងបន្ទប់ដេក ស្ថិតនៅចំណុចភូមិតាត្រាវ ឃុំកន្រ្ទាំងស្រុកប្រាសាទបាគង ខេត្តសៀមរាប ។
សមត្ថកិច្ចបានឲ្យដឹងថា ជនរងគ្រោះមានឈ្មោះ ជ្រក់ ស្រីនាង អាយុ២៦ឆ្នាំ រស់នៅភូមិ ឃុំ កើតហេតុខាងលើ មុខរបរកម្មករ ។ មូលហេតុ មិនបានដឹងច្បាស់លាស់នោះទេ តែតាមការសន្និដ្ឋានអាចខូចចិត្តរឿងស្នេហា ។
ក្រោយកើតហេតុ សមត្ថកិច្ចធ្វើកោសល្យវិច័យរួចសន្និដ្ឋានថា យុវតីរងគ្រោះពិតជាស្លាប់ដោយសារចងកពិតមែន ពុំមានពាក់ព័ន្ធ នឹងករណីផ្សេងទេ រួចទើបប្រគល់សាកសពឲ្យសាច់ញាតិក្រុមគ្រួសារចាត់ចែងធ្វើបុណ្យ ៕ ប៊ុនរិទ្ធី
