សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ សមត្ថកិច្ចបានប្រាប់ថា នៅវេលាម៉ោង៧និង៣០នាទីព្រឹក ថ្ងៃទី១៦ ខែឧសភា ២០១៩ លើផ្លូវជាតិលេខ៤ ចំណុចចន្លោះគីឡូម៉ែត្រលេខ 138-139 ស្ថិតក្នុងភូមិ/ឃុំចំការហ្លួង ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើងបង្កដោយរថយន្តម៉ាកFUSO ក្បាលពណ៌ខៀវ ពាក់ស្លាកលេខ ភ្នំពេញ 3E-7627 មានទិសដៅពីខេត្តព្រះសីហនុ ទៅភ្នំពេញ បើកបរដោយឈ្មោះ ឆាយ សម្បិត្តភេទប្រុស អាយុ៣៥ឆ្នាំ មុខរបរបើកបរ មានទីលំនៅភូមិត្រពាំងខ្នា ឃុំយុទ្ធសាមគ្គី ស្រុកឧដុង្គ ខេត្តកំពង់ស្ពឺ លុះមកដល់ចំណុចកើតហេតុខាងលើ រថយន្តរបូតកង់ខាងក្រោយផ្នែកខាងឆ្វេងបានមកប៉ះរថយន្តតាកូម៉ាពណ៌ទឹកប្រាក់ ពាក់ស្លាកលេខ ភ្នំពេញ 2Z-3815 មានទិសដៅពីភ្នំពេញទៅខេត្តព្រះសីហនុ បើកបរដោយឈ្មោះ ហួត ហ៊ុយលីន ភេទប្រុស អាយុ២២ឆ្នាំ មានទីលំនៅភូមិក្បាលទំនប់ សង្កាត់បឹងទំពុន ខ័ណ្ឌមានជ័យ រាជធានី ភ្នំពេញ រថយន្តតាកូម៉ាខូចខាតផ្នែកខាងមុខទាំងស្រុងតែមិនបណ្តាលឲ្យគ្រោះថ្នាក់ដល់មនុស្សឡើយ ។
ចំពោះមុខរថយន្តទាំងពីរគ្រឿងត្រូវបានកម្លាំងជំនាញ យកមករក្សាទុកនៅអធិការដ្ឋាននគរបាលស្រុកកំពង់សីលា ដើម្បីដោះស្រាយតាមនីតិវិធី ៕ ឆ្លាម សមុទ្រ
