បញ្ជូនជនសង្ស័យថ្នាំញៀន៤នាក់ ទៅស្នងការ ខេត្តចាត់ការតាមផ្លូវច្បាប់

ខេត្តបន្ទាយមានជ័យ៖ ជនសង្ស័យចែកចាយ និងប្រើប្រាស់ថ្នាំញៀន៤នាក់ ត្រូវកម្លាំងអធិការដ្ឋាននគរបាល ស្រុកថ្មពួក បញ្ជូនទៅស្នងការនគរបាល ខេត្តបន្ទាយមានជ័យរួមនឹងវត្ថុតាង កាលពីរសៀល ថ្ងៃទី២២ ខែឧសភា ឆ្នាំ២០១៩ ។

លោកអធិការ ស្រុកថ្មពួក សៅ សារឿន មានប្រសាសន៍ថា កាលពីវេលាម៉ោង១ និង៣០នាទរសៀល ថ្ងៃទី២១ ខែឧសភា ឆ្នាំ២០១៩ ដោយមានការយកចិត្តទុកដាក់ ក្រោមការចង្អុលបង្ហាញ់ពីលោកឧត្តមសេនីយ៍ទោ អាត់ ខែម ស្នងការនគារបាល ខេត្ត និងបញ្ជាផ្ទាល់ដោយរួបលោក បានចុះបង្ក្រាបករណី ចែកចាយគ្រឿងញៀននៅចំណុចខាងកើតវត្តគោករមៀត ភូមិគោករមៀត ចាប់បានមុខសញ្ញាចែកចាយយ៉ាងសកម្ម និងអ្នកប្រើប្រាស់ចំនួន៤នាក់ ។

លោកបន្តថា ជនទាំងនោះ មាន៖ 1.ឈ្មោះ មួង វិន័យ ភេទប្រុស អាយុ 23 ឆ្នាំ រស់នៅ ភូមិថ្មី ឃុំគោករមៀត ដកហូតវត្តុតាំងម្សៅសក្រាមចំនួន៥កញ្ចាប់ថងតូច និងថ្នាំញៀន WY ចំនួន36 គ្រប់ ជាមុខសញ្ញាចែកចាយយ៉ាងសកម្ម, 2.ឈ្មោះស៊ីវ ស៊ីណា ភេទប្រុស អាយុ28 ឆ្នាំ រស់នៅ ភូមិគោករមៀត ជាអ្នក់ប្រើប្រាស់, 3. ឈ្មោះរស្មី ស៊ីដែន ភេទប្រុស អាយុ15 ឆ្នាំ រស់នៅ ភូមិសាមគ្គី ឃុំគោករមៀត ស្រុកថ្មពូក ជាអ្នក់ប្រើប្រាស់ និង4. ឈ្មោះ ភ្លៀង ដឿ ភេទប្រុស អាយុ18 ឆ្នាំ រស់នៅ ភូមិថ្នល់ដាច់ ឃុំថ្មពួក ស្រុកថ្មពួក ជាអ្នក់ប្រើប្រាស់ លុះដល់វេលាម៉ោង15.00នាទី ថ្ងៃ ខែ ឆ្នាំដដែលដោយបានការសម្របសម្រួលពីលោកព្រះរាជអាជ្ញា កម្លាំងបានបន្តឆែរឆេរលំនៅឋាន ជនសង្ស័យ (មួង វិន័យ) បានរកឃើញម្សៅសក្រាម១កញ្ចាប់ (ធំល្មម) ជញ្ជើងសំរាប់ថ្លឹង01 ដេកកេះចំនួន04 ថងសម្រាប់ច្រកថ្នាំមួយចំនួន បំពង់កែវសម្រាប់ជក់ចំនួន01 ផ្លាកលេខម៉ូតូ 02 ទូរស័ព្ទ 4គ្រឿង កាំបិតមុខស្រួច01 កាំភ្លើងខ្យល់01 ម៉ូតូចំនួន01គ្រឿង ម៉ាក់SUZUKI NEX និងសុំយោបល់ឃាត់ខ្លួន បណ្តោះអាសន្ននៅអធិការដើម្បីកសាងនីតិវិធី ។

ក្រោយពីការសាកសួរ កម្លាំងបានកសាងសំណុំរឿង បញ្ជូនទៅស្នងការ ខេត្តកាលពីរសៀល ថ្ងៃទី២២ ខែឧសភា ឆ្នាំ២០១៩ ដើម្បីចាត់ការតាមផ្លូវច្បាប់ ៕ នីមវណ្ណា