សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ អគ្គិភ័យឆាបឆេះផ្ទះ១លើក និងករណីរន្ទះបាញ់់កំពូលព្រះវិហារ០១លើក ហេតុការណ៍នេះ បានកើតឡើងកាលពីវេលាម៉ោង១៥ និង៣០នាទី ថ្ងៃព្រហស្បតិ៍ ៥រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែឧសភា គ.ស ២០១៩ ។
សមត្ថកិច្ចបានឲ្យដឹងថា ករណីទី១ អគ្គិភ័យឆេះផ្ទះវេលាម៉ោង១៥ និង៣០នាទីស្ថិតនៅភូមិកប់ថ្លុក ឃុំដំរីស្លាប់ ស្រុកកំពង់ស្វាយ ម្ចាស់ផ្ទះឈ្មោះ សាន រុន ភេទប្រុស អាយុ៥៤ឆ្នាំ ផ្ទះទំហំ៣ម៉ែត្រគុណនឹង៤ម៉ែត្រ ធ្វើអំពីឈើ ប្រក់ស្បូវ ជញ្ជាំងស្បូវ ។
ខូចខាត ឆេះផ្ទះ១ខ្នង ទំហំ៣ ម៉ែត្រគុណនឹង៤ម៉ែត្រ អត្តសញ្ញាណប័ណ្ណ០២សន្លឹក សំបុត្រកំណើត០៦សន្លឹក អង្ករ៥0គីឡូក្រាម ប្រាក់រៀលចំនួន១,០០០,០០០រៀល ប៉ុស្តិ៍ផ្សាដែក០១គ្រឿង អាគុយ៤០អំពែចំនួន០១ សម្ភារប្រើប្រាស់ក្នុងផ្ទះទាំងស្រុង ។ មូលហេតុ កូនដុតធូបលេងក្នុងផ្ទះបណ្ដាលឲ្យឆាបឆេះរាល ។
ករណីនេះ សមត្ថកិច្ច បានបញ្ជាក់ថា រថយន្តអគ្គិភ័យរបស់អធិការដ្ឋាននគរបាលស្រុកកំពង់ស្វាយមិនបានចេញអន្តរាគមន៍ទេ ព្រោះព័ត៌មានយឺតយ៉ាវ ។
ករណីទី២ រន្ទះបាញ់់កំពូលព្រះវិហារកាលពី វេលាម៉ោង១៤ និង៣០នាទី ស្ថិតនៅវត្តក្រសាំងមានជ័យ ភូមិក្រសាំង(ខ) ឃុំសានគរ ស្រុកកំពង់ស្វាយ បណ្តាលឲ្យខូចខាតកំពូលព្រះវិហារចំនួន០១ និងក្បឿងចំនួន១០០សន្លឹក តែពុំមានអ្នករងគ្រោះនោះទេ ។
ក្រោយកើតហេតុសមត្ថកិច្ចបានចុះពិនិត្យ និងធ្វើកំណត់ហេតុរាយការណ៍ ។
ពាក់ប័ន្ធករណីរន្ទះបាញ់នេះដែរ បុរសម្នាក់ត្រូវរន្ទះបាញ់ឲ្យរងរបួសធ្ងន់ត្រូវបានបញ្ជូនទៅសង្រ្គោះនៅមន្ទីរពេទ្យស្រុកស្ទោង
គ្រោះធម្មជាតិរន្ទះបាញ់់ បណ្តាលឲ្យបុរសម្នាក់រងរបួសធ្ងន់ ហេតុការណ៍នេះ បានកើតឡើងកាលពីវេលាម៉ោង១៥ និង៣០នាទី ថ្ងៃទី ២៣ ខែឧសភា ឆ្នាំ២០១៩ ស្ថិតនៅតំបន់ទំនប់តាអឿន ភូមិសាគ្រាមត្បូង ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ ។
សមត្ថកិច្ចបានឲ្យដឹងថា ជនរងគ្រោះឈ្មោះ ធូ រិទ្ធ ភេទប្រុស អាយុ៣០ឆ្នាំ (រងរបួសធ្ងន់) ត្រូវបានបញ្ជូនទៅព្យាបាលនៅមន្ទីរពេទ្យបង្អែកស្រុកស្ទោង ។ មូលហេតុ: ជនរងគ្រោះកំពុងភ្ជួរស្រែពេលមេឃកំពុងភ្លៀង ៕ ប៊ុនរិទ្ធី
