សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ធ្វើសកម្មភាព លួចកាច់កម៉ូតូបានសម្រេចហើយ បណ្តើរចេញត្រូវប្រជាពលរដ្ឋប្រទះឃើញ ចាប់បានវាយទ្រមខ្លួន រួចប្រគល់ទៅឲ្យសមត្ថកិច្ច ។
ហេតុការណ៍នេះ បានកើតឡើងកាលពីវេលាម៉ោង០២ និង១៥នាទី រំលងអធាត្រ ឈានចូលថ្ងៃទី២៧ ខែឧសភា ឆ្នាំ២០១៩ តាមបណ្តោយផ្លូវ១១០ ស្ថិតនៅក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ ។
ជនសង្ស័យមានឈ្មោះ យឹម វាស្នា រភេទប្រុស អាយុ១៩ឆ្នាំ ស្នាក់នៅម្តុំផ្សារចាស់ ។ តាមប្រភពព័ត៌មានពីសាក្សីដែលឃើញហេតុការណ៍បានឲ្យដឹងថា មុនពេលកើតហេតុ គេបានឃើញជនសង្ស័យម្នាមបានធ្វើសកម្មភាពលួចកាច់សោកម៉ូតូមួយគ្រឿងម៉ាក SCOOPY ពណ៌ពងមាន់ពាក់ស្លាកលេខ ភ្នំពេញ 1GC-6819 ដែលម្ចាស់គេទុកនៅក្នុងឌឿងហែមក្បែរ ផ្លូវលេខ១៩ ក៏ស្រាប់តែមានជនសង្ស័យម្នាក់បានធ្វើសកម្មភាព លួចកាច់សោកម៉ូតូបានសម្រេច ហើយបណ្តើរចេញ ភ្លាមៗនោះដែរ ក៏មានប្រជាពលរដ្ឋបានឃើញ ក៏ស្រែកថា ចោរៗ ទើបជនសង្ស័យភ័យស្លន់ស្លោ និងផ្តួលម៉ូតូចោលរត់ តែត្រូវប្រជាពលរដ្ឋក្របួចជាប់នាំគ្នាវាយមួយដៃមួយជើងទ្រមខ្លួន រួចប្រគល់ឲ្យសមត្ថកិច្ច។
ក្រោយពេលកើតហេតុ ជនសង្ស័យត្រូវបានសមត្ថកិច្ចប៉ុស្តិ៍វត្តភ្នំយកទៅសួរនាំ និងកសាងសំណុំរឿង បញ្ជូនបន្តទៅអធិការដ្ឋាននគរបាលខណ្ឌដូនពេញដើម្បីចាត់ការបន្ត ៕ ធឿនព្រែកជ័យ
