សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រទះឃើញស្ត្រីអ្នករើសអេតចាយម្នាក់ ដេកស្លាប់នៅក្នុងខ្ទមរបស់ខ្លួន ហេតុការណ៍នេះបានកើតឡើងកាលពីវេលាម៉ោងជាង៧ព្រឹក ថ្ងៃទី០១ ខែមិថុនា ឆ្នាំ២០១៩ ស្ថិតនៅតាមបណ្តោយផ្លូវរថភ្លើង សង្កាត់ស្រះចក ខណ្ឌដូនពេញ រាជធានីភ្នំពេញ។
ប្រភពព័ត៌មានពីសាក្សីដែលស្គាល់ស្ត្រីរងគ្រោះ បានប្រាប់អោយដឹងថា មុនពេលកើតហេតុ មានស្ត្រីម្នាក់តែងតែដេកនៅជាមួយរាល់ថ្ងៃ ស្រាប់តែ ព្រឹកឡើងក៏បានហៅស្ត្រីរងគ្រោះឲ្យក្រោកឡើង។ ខណៈនោះ ស្រាប់តែហៅស្ត្រីរងគ្រោះមិនឆ្លើយតប ក៏ទៅប៉ះខ្លួនស្ត្រីរងគ្រោះ ស្រាប់តែស្លាប់បាត់បង់ជីវិតទៅហើយ។ ភ្លាមៗនោះ ក៏មានការភ្ញាក់ផ្អើលដល់បងប្អូនប្រជាពលរដ្ឋដែលរស់នៅក្បែរនោះ នាំគ្នាមកមើល។ ចំពោះអត្តសញ្ញាណរបស់ស្ត្រីរងគ្រោះខាងលើ មិនត្រូវស្គាល់នោះឡើយ។
ក្រោយពេលកើតហេតុ បងប្អូនប្រជាពលរដ្ឋបាននាំគ្នារាយការណ៍ទៅសមត្ថកិច្ចមូលដ្ឋាន ដើម្បីចុះមកពិនិត្យមើលនៅកន្លែងកើតហេតុ។ ក្រោយពេល ដែលសមត្ថកិច្ចជំនាញចុះមកដល់កន្លែងកើតហេតុ បានបញ្ជាក់ថា ស្ត្រីរងគ្រោះខាងលើគឺស្លាប់ដោយសារតែខ្យល់គរ ។
បច្ចុប្បន្នសពស្ត្រីរងគ្រោះខាងលើ ត្រូវសមត្ថកិច្ចយកទៅធ្វើបុណ្យតាមប្រពៃណីនៅឯវត្តនាគវ័ន្ត ៕ ជ្រោយពេជ្រ
