សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍ភ្ញាក់ផ្អើលមួយ បន្ទាប់ពីស្ត្រីមេម៉ាយកូន២នាក់ បានសម្រេចចិត្តចងកម្លាប់ខ្លួនចោលកូន ដោយសង្ស័យចង់បានប្តីមួយទៀតតែក្រុមគ្រួសារមិនព្រម ។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង៥និង១០នាទីល្ងាច ថ្ងៃទី២ ខែមិថុនា ឆ្នាំ២០១៩ នៅក្នុងបន្ទប់ផ្ទះជួល ជាន់ទី២ បន្ទប់លេខ៦ ក្នុងភូមិតាងួន សង្កាត់កាកាប១ ខណ្ឌពោធិ៍សែនជ័យ ។
សពស្ត្រីរងគ្រោះខាងលើមានឈ្មោះ កែវ ស្នា អាយុ៣៣ឆ្នាំ មុខរបរនៅផ្ទះ ស្នាក់នៅបន្ទប់ជួល កន្លែងកើតហេតុខាងលើ និងមានស្រុកកំណើតនៅខេត្តតាកែវ ។ រីឯប្ដីក្រោយ មានឈ្មោះ មឿន រ៉ាវី អាយុ៣៣ឆ្នាំ មុខរបរមេជាងសំណង់ ស្នាក់នៅផ្ទះជួល ជាមួយគ្នា មានស្រុកកំណើតនៅស្រុកកំចាយមារ ខេត្តព្រៃវែង ។
យោងតាមការរៀបរាប់ពីបុរសម្នាក់ ដែលរស់នៅជាមួយជនរងគ្រោះបានឲ្យដឹងថា រូបគាត់ និងជនរងគ្រោះបានស្គាល់គ្នាជាង៥ខែមកហើយ ទាំងមិនទាន់រៀបការនឹងគ្នាផង តែពួកគេស្រឡាញ់គ្នាណាស់ ។
ប្ដីក្រោយរបស់ជនរងគ្រោះបានប្រាប់ឲ្យដឹងទៀតថា សង្ស័យតែសាច់ញាតិជនរងគ្រោះ មិនព្រមឲ្យរៀបការជាមួយគាត់ហើយមើលទៅ ទើបរូបនាងគិតខ្លីបែបនេះ ។
ក្រោយកើតហេតុ សមត្ថកិច្ចមូលដ្ឋាន បានចុះមកដល់ហើយទាក់ទងទៅជំនាញខាងកោសល្យវិច័យឲ្យមកពិនិត្យទើបសមត្ថកិច្ចជំនាញសន្និដ្ឋានថា ជនរងគ្រោះពិតជាស្លាប់ដោយសារធ្វើអត្តឃាតចង.កសម្លាប់ខ្លួនឯងពិតប្រាកដមែន ។
បច្ចុប្បន្នសពជនរងគ្រោះ ត្រូវបានសមត្ថកិច្ចធ្វើកំណត់ហេតុប្រគល់ឲ្យទៅក្រុមគ្រួសារយកទៅធ្វើបុណ្យតាមប្រពៃណី៕ សុខាសែនជ័យ
