សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ ជនសង្ស័យមុខសញ្ញាជួញដូរ និងប្រើប្រាស់គ្រឿងញៀនចំនួន ៣នាក់ ត្រូវបានកម្លាំងកងរាជអាវុធហត្ថក្រុងក្រចេះឃាត់ខ្លួនបានបញ្ជូនទៅសាលាដំបូងខេត្ត ។
ការឃាត់ខ្លួនជនមុខសញ្ញាគ្រឿងញៀននោះ សមត្ថកិច្ចបានប្រតិបត្តិការបង្ក្រាបនៅវេលាម៉ោង១៥.០០នាទី ថ្ងៃទី៣ ខែមិថុនា ឆ្នាំ២០១៩ នៅចំណុចសណ្ឋាគារ ហ៊រ ប៊ុន្នី ស្ថិតនៅភូមិស្រែស្ដៅ សង្កាត់អូរឫស្សី ក្រុងក្រចេះ ខេត្តក្រចេះ ។
កម្លាំងកងរាជអាវុធហត្ថខេត្តបង្ក្រាបនោះ ក្រោមការចង្អុលបង្ហាញពីលោកឧត្តមសេនីយ៍ត្រី សាន្ត ប៊ុនថាន មេបញ្ជាកាកងរាជអាវុធហត្ថខេត្ត ដឹកនាំដោយលោកវរៈសេនីយ៍ត្រី ផាត សុភក្ត្រ័វាសនា មេបញ្ជាការក្រុង ដោយមានការសម្របសម្រួលពីលោក ជា សុភក្ត្រ័ ព្រះរាជអាជ្ញារងខេត្តក្រចេះ ។
ប្រភពពីសមត្ថកិច្ចបានឲ្យដឹងថា ក្នុងប្រតិបត្តិការបង្ក្រាបករណីគ្រឿងញៀនខាងលើឃាត់ជនមុខសញ្ញាជួញដូរ និងប្រើប្រាស់គ្រឿងញៀនបានចំនួន ៣នាក់ ។ ទី១.ឈ្មោះ ឡា វិច្ឆិកា ភេទប្រុស អាយុ២៣ឆ្នាំ ជនជាតិ ខ្មែរ មុខរបរមិនពិតប្រាកដ រស់នៅភូមិអូរឫស្សី២ សង្កាត់អូរឫស្សី ក្រុងក្រចេះ ខេត្តក្រចេះ ។ ទី២.ឈ្មោះ នាង សង្វាវង្សហៅ(ជី វា) ភេទប្រុស អាយុ ១៨ឆ្នាំ ជនជាតិខ្មែរ មុខរបរ(សិស្ស) រស់នៅភូមិដូនជ្រាំ សង្កាត់ក្រចេះ ក្រុងក្រចេះ ខេត្តក្រចេះ ។ ទី៣.ឈ្មោះ ម៉េង កក្កដា ភេទប្រុស អាយុ២២ឆ្នាំ ជនជាតិ ខ្មែរ មុខរបរ (មិនពិតប្រាកដ) រស់នៅភូមិទួលមនោរម្យ សង្កាត់ក្រគរ ក្រុងក្រចេះ ខេត្តក្រចេះ ។
ក្នុងការបង្ក្រាបនោះដែរ សមត្ថកិច្ចបានដកហូតបានវត្ថុតាងប្រើប្រាស់មួយចំនួន និងម៉ូតូម៉ាក់សង់ឌ្រីម ២គ្រឿង ស៊េរីឆ្នាំ២០១០ មួយគ្រឿង ស៊េរីឆ្នាំ២០១៤ មួយគ្រឿងផងដែរ ។
ក្រោយបង្ក្រាបជនសង្ស័យ និងវត្ថុតាងត្រូវ ឃាត់ខ្លួន និងរក្សាទុកនៅមូលដ្ឋានកងរាជអាវុធហត្ថក្រុងក្រចេះដើម្បីកសាងសំណុំរឿងបញ្ជូនបន្តទៅសាលាដំបូងខេត្តចាត់ការតាមច្បាប់ ៕ ជីវន្ត័
