សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ កាលពីវេលាម៉ោង ១៩ : ០០ នាទីយប់ ថ្ងៃព្រហស្បតិ៍ ៤កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៦ ខែមិថុនា ឆ្នាំ២០១៩ មានករណីគ្រោះថ្នាក់ចរាចរណ៍មួយករណីកើតឡើងរវាងរថយន្ត និងម៉ូតូបើកបរច្រាសទិសគ្នា នៅចំណុចមុខកាស៊ីណូ ហ្គ្រេន ជេ អឹម ស្ថិតនៅក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ប្រព័ត៌មានពីសមត្ថកិច្ចមូលដ្ឋាននគរបាលស្រុកសាលាក្រៅបានឲ្យដឹងថា ម្ចាស់រថយន្តមានឈ្មោះ ហ៊ុយ គីមឃន ភេទប្រុស អាយុ ៧២ឆ្នាំ បើកបររថយន្តម៉ាកឆ្លាម ពណ៌ខ្មៅ ពាក់ស្លាកលេខ ភ្នំពេញ 2A-5416 (គ្មានរបួស) ។
អ្នកបើកបរម៉ូតូរងរបួស ឈ្មោះ ញិល យ៉ុង ភេទប្រុស អាយុ ៤២ ឆ្នាំ មុខរបរកម្មករ បើកបរម៉ូតូម៉ាក Honda Dream C125 ពណ៌ខ្មៅ ស៊េរីឆ្នាំ២០១១ ពាក់ស្លាក់លេខ បន្ទាយមានជ័យ 1E-7133 ។ អ្នកទាំងពីរមានអ្នកទីលំនៅក្នុងភូមិឃុំកើតហេតុខាងលើ ។
មូលហេតុបណ្ដាលមកពីកត្តាមនុស្សបើកបរលឿនហួសល្បឿនកំណត់ មិនបានមើលរថយន្ដស៊ីញ៉ូបទឆ្វេង ធ្វើឲ្យចាប់ហ្វ្រាំងមិនទាន់ ជ្រុលទៅបុករថយន្តពេញទំហឹង ។ បច្ចុប្បន្នជនរងគ្រោះបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តប៉ៃលិន។ ចំណែកវត្ថុតាងត្រូវបានកម្លាំងប៉ុស្តិ៍យកទៅរក្សាទុកនៅទីស្នាក់ការប៉ុស្ទឹងកាច់ រង់ចាំការដោះស្រាយ ៕ ស សារ៉េត
