សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រមួយគ្រឿង បើកលឿនបុកpassAppចំពីមុខពេញទំហឹង បណ្តាលឲ្យបុរសម្នាក់ស្លាប់ភ្លាមៗ កាលពីវេលាម៉ោង២១និង៣០នាទី ថ្ងៃទី១២ ខែមិថុនា ឆ្នាំ២០១៩ នៅចំណុចស្ថានីយប្រេងឥន្ធនៈសំប្រាថ្នា តាមបណ្តោយផ្លូវជាតិលេខ៣ ស្ថិតក្នុងភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរ៉ឺម៉កកង់បី passApp មួយគ្រឿង ពណ៌ស ពាក់ស្លាកលេខ ភ្នំពេញ 1HO 9175 បើកបរដោយបុរសម្នាក់ធ្វើដំណើរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ ស្រាប់តែមានរថយន្តកុងតឺន័រ ពណ៌ស ពាក់ស្លាកលេខ 3A 9143 ធ្វើដំណើរក្នុងដៅពីជើងទៅត្បូងក្នុងល្បឿនលឿនជែង ក៏ជ្រុលបុកកង់បីពេញទំហឹងបណ្តាលឲ្យអ្នកបើកបរកង់បីស្លាប់ភ្លាមៗ ។ ចំណែករថយន្តបង្កបានបើកបានប្រហែល១០០ម៉ែត្រ ក៏ឈប់ចុះពីរថយន្តរត់គេចខ្លួនបាត់ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុ និងទំនាក់ទំនងជំនាញមកវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានី រង់ចាំដោះស្រាយតាមច្បាប់ ចំណែកសពកំពុងស្រាវជ្រាវរកក្រុមគ្រួសារមកទទួលយកទៅធ្វើបុណ្យតាមប្រពៃណី ៕ សុខាសែនជ័យ
