សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ រឿងគោចាស់ ចូលចិត្ដស៊ីស្មៅខ្ចីហាក់ដូចកើតមានច្រើនណាស់នៅក្នុងសង្គមបច្ចប្បន្ន ឃ្លានណាស់ទៅឬ? ប្រភពព័ត៌មានឲ្យដឹងថា នៅពេលឃើញក្មេងស្រីលេងនៅក្បែរហើយស្ងាត់តែម្នាក់ឯង មានចំណង់ផ្លូវភេទចាប់ខ្ទប់មាត់អូសចូលបន្ទប់ទឹក បឺតមាត់ ស្ទាបអង្អែលលើប្រដាប់ប្រភេទ រហូតសម្រេចចំណង់ផ្លូវភេទ ។
ប្រភពព័ត៌មានឲ្យដឹងថា សាច់ញាតិក្មេងស្រីរងគ្រោះបាននិយាយរៀបរាប់ប្រាប់សមត្ថកិច្ចពេលចុះអន្តរាគមន៍ដោយលើកឡើងថា បានមក ទាន់ឃើញជនសង្ស័យរុញទ្វារចូលបន្ទប់ទឹកខ្ទាស់គន្លឹះទ្វារហើយឲ្យក្មេងរងគ្រោះដេកទៅលើ បឺតមាត់ ស្ទាបអង្អែល… ។ បន្ទាប់ពីឃើញហេតុការណ៍ដ៏អាក្រក់នេះ ក៏បានប្តឹងទៅអាជ្ញាធរមានសមត្ថកិច្ចជួយឃាត់ខ្លួនជននេះដើម្បីចាត់ការតាមច្បាប់ ។
ប្រភពព័ត៌មានបន្តថា បន្ទាប់ពីទទួលបានដំណឹងនេះ នគរបាលនៃអធិការដ្ឋាននគរបាលស្រុកត្បូងឃ្មុំ សហការជាមួយប៉ុស្តិ៍នគរបាលរដ្ឋបាលមង់រៀវ ចាប់ឃាត់ខ្លួនបានភ្លាមៗ នៅ ថ្ងៃកើតហេតុ ទី១៤ ខែមិថុនា ឆ្នាំ២០១៩ វេលាម៉ោង១២ និង៣០នាទីនៅចំណុចបន្ទប់ទឹកផ្ទះជនសង្ស័យ ។
សមត្ថកិច្ចឲ្យដឹងថា ជនសង្ស័យ ឈ្មោះឡូញ អុីមភេទប្រុស អាយុ៤២ ឆ្នាំ ជនជាតិខ្មែរ នៅភូមិជ្រោយ ចង្ហា ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ ត្រូវបានសមត្ថកិច្ចចាប់ខ្លួន ។ ចំណែកក្មេងស្រីជនរងគ្រោះ អាយុ៩ ឆ្នាំ ។
ជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពពិតមែន ហើយរូបគេធ្លាប់ធ្វើសកម្មភាពច្រើនលើកច្រើនសារមកហើយ តាំងពីពេលបុណ្យភ្ជុំបិណ្ឌមកម៉្លេះ ។
ទីបំផុត ជនសង្ស័យខាងលើត្រូវបានកសាងសំណុំរឿងបញ្ជូនទៅអយ្យការអមសាលាដំបូង ខេត្តត្បូងឃ្មុំចាត់ការតាមនីតិវិធី ៕ វណ្ណៈ
