សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវបាននគរបាលឃាត់ខ្លួន យកទៅសួរនាំបន្ទាប់ពីទាញកាំបិតដេញកាប់ឪពុកម្តាយ ផ្អើលអ្នកភូមិ ព្រោះខឹងសុំលុយទិញថ្នាំញៀនជក់មិនបាន ។
ហេតុការណ៍នេះ បានកើតឡើងកាលពីវេលាម៉ោង៩និង៣០នាទីព្រឹក ថ្ងៃទី២៦ ខែមិថុនា ឆ្នាំ២០១៩ នៅភូមិត្រពាំងល្វា២ សង្កាត់កាកាប១ ខណ្ឌពោធិសែនជ័យ រាជធានីភ្នំពេញ ។
បុរសខាងលើមានឈ្មោះ សុវណ្ណរិទ្ធ ភេទប្រុស អាយុ២៥ឆ្នាំ មុខរបរមិនពិតប្រាកដ មានទីលំនៅភូមិត្រពាំងល្វា២ សង្កាត់កាកាប១ ខណ្ឌពោធិសែនជ័យ ។
តាមសម្តីឪពុកម្តាយបុរសខាងលើបានឲ្យដឹងថា កូនរបស់គាត់មួយថ្ងៃៗ មិនដែលធ្វើការងារអីទេ ដឹងតែសុំលុយយកទៅទិញថ្នាំញៀនជក់ លុះនៅយប់ថ្ងៃទី២៥ ខែមិថុនា ឆ្នាំ២០១៩ ក៏សុំលុយដើម្បីយកទៅទិញថ្នាំញៀនជក់ តែរូបគាត់មិនឲ្យធ្វើអោយ គេខឹងទាញកាំបិតដេញកាប់ផ្អើលដល់អ្នកភូមិ និងរាយការណ៍ទៅសមត្ថកិច្ចចុះអន្តរាគមន៍ តែរូបគេបានរត់គេចខ្លួនបាត់ ។
សាក្សីបន្តថា លុះមកដល់ព្រឹកថ្ងៃទី២៦ ខែមិថុនានេះ បុរសខាងលើបានចូលផ្ទះវិញ ទើបរាយការណ៍ទៅនគរបាលចុះមកឃាត់ខ្លួនតែម្តង ។
បច្ចុប្បន្នជនសង្ស័យត្រូវបាននគរបាលបញ្ជូនទៅផ្នែកព្រហ្មទណ្ឌនៃអធិការនគរបាលខណ្ឌពោធិ៍សែនជ័យ ដើម្បីសាកសួរ ៕ សុខាសែនជ័យ
