គួរផ្សព្វផ្សាយច្បាប់ចរចរណ៍ឲ្យបានទូលំទូលាយ ជៀសវាងការកើនឡើងគ្រោះថ្នាកចរចរណ៍

ខេត្តកំពង់ធំ៖ ទៀតហើយ! គ្រោះថ្នាក់ចរាចរណ៍រវាង រថយន្តបុកម៉ូតូ ក្នុងទិសដៅស្របគ្នា (ពីលិចទៅកើត) បណ្តាលឲ្យបុរសម្នាក់របួសធ្ងន់ ខូចខាតម៉ូតូ០១គ្រឿង និងរថយន្ត០១គ្រឿង កាលពីវេលាម៉ោង១០និង៤៩នាទី ថ្ងៃព្រហស្បតិ៍ ១០រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៧ ខែមិថុនា ឆ្នាំ២០១៩ នៅលើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៨៦-១៨៧ នៅភូមិតារាម ឃុំត្បែង ស្រុកកំពង់ស្វាយ ខេត្តកំពង់ធំ ។

សមត្ថកិច្ចបានឲ្យដឹងថា រថយន្តម៉ាកBMW X5 ពណ៌ស ស្លាកលេខ ភ្នំពេញ2Y.6881 បើកបរដោយឈ្មោះ ប៉ែន.វណ្ណណឿន ភេទប្រុស អាយុ៤០ឆ្នាំ (មុខរបរបើកបររថយន្ត) រស់នៅក្រុមទី៨ ភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប(នាំខ្លួនទៅអធិការដ្ឋាននគរបាលស្រុកកំពង់ស្វាយដើម្បីសួរបំភ្លឺ)។

ចំណែកម៉ូតូម៉ាកហុងដាឌ្រីមC125 ពណ៌ខ្មៅ ផ្លាកលេខគ្មាន បើកបរ ដោយឈ្មោះ ទឺ.សុផៃ ភេទប្រុស អាយុ១៧ឆ្នាំ (មុខរបរសិស្ស) រស់នៅភូមិបឹងអណ្តែង ឃុំត្បែង ស្រុកកំពង់ស្វាយ ខេត្តកំពង់ធំ)(របួសធ្ងន់)(មិនពាក់មួកសុវត្ថិភាព)។

មូលហេតុជាបឋមបង្កដោយអ្នកបើកបរម៉ូតូ បើកបរបត់ឆ្វេងប្រហែសខ្ជីខ្ជាខ្វះការប្រុងប្រយ័ត្ន។

ក្រោយកើតហេតុសមត្ថកិច្ចបានចុះវាស់វែងធ្វើកំណត់ហេតុ បញ្ចូនជនរងគ្រោះទៅមន្ទីរពេទ្យ និងប្រមូលវត្ថុតាងយកទៅរក្សាទុកនៅអធិការដ្ឋាននគនរបាលស្រុកកំពង់ស្វាយរង់ចាំដោះស្រាយគ្នាជាក្រោយ ៕ ប៊ុនរិទ្ធី