សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រថយន្តដឹកប្រេងសាំងមួយគ្រឿង បានរេចង្កូតក្រឡាប់ធ្លាក់ផ្លូវ រួចធ្លាក់ស៊ីទែនប្រេងសាំងចេញពីរថយន្ត ។ ប៉ុន្តែមិនបង្កគ្រោះថ្នាក់នោះទេ ។
យោងតាមរបាយការណ៍របស់សមត្ថកិច្ចមូលដ្ឋានឲ្យដឹងថា វេលាម៉ោង៣រសៀល ថ្ងៃទី ០៣ ខែកក្កដា ឆ្នាំ២០១៩ នៅចំណុចព្រែកប្រាំ បណ្តោយផ្លូវសម្តេចហ៊ុនសែនកែវផុស ភូមិ ឫទ្ធី២ ឃុំ កែវផុសស្រុក ស្ទឹងហាវ ខេត្ត ព្រះសីហនុ មានគ្រោះថ្នាក់ចរាចរណ៍ រថយន្តដឹកប្រេងមួយគ្រឿងស្លាកលេខ PP 3C 8322 បើកបរដោយឈ្មោះ អ៊ឹម វិចិត្រ ភេទប្រុស អាយុ ៣៣ឆ្នាំ ទីលំនៅខេត្ត កំពង់ស្ពឺ ពេលបើកបរទិសដៅពីស្ទឹងហាវទៅភ្នំពេញ មកដល់កន្លែងកើតហេតុរថយន្តដាច់រឺទីលកង់មុខរេចង្កូតក្រឡាប់ធ្លាក់ផ្លូវ និងធ្លាក់សុីទែនប្រេងចេញពីរថយន្ត ប៉ុន្តែមិនមានមនុស្សរងរបួសទេ ៕ ឆ្លាម សមុទ្រ
