សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសជនជាតិចិនចំនួន២នាក់ ឪពុកកូនត្រូវជនសង្ស័យធ្វើសកម្មភាពឆក់យកទូរស័ព្ទបានសម្រេចរួចគេចខ្លួនបាត់ដោយសុវត្ថិភាព កាលពីវេលាម៉ោង១០និង៣០នាទីយប់ ថ្ងៃទី៤ ខែកក្កដា ឆ្នាំ២០១៩ នៅមុខសណ្ឋាគារ ហ័រយិនកុងស៊ាន និងនៅមុខប៉ុស្តិ៍នគរបាលចោមចៅ៣ ដែលស្ថិតនៅភូមិព្រៃព្រីងខាងជើង សង្កាត់ចោមចៅទី៣ ខណ្ឌពោធិ៍សែនជ័យ ។
ជនរងគ្រោះជាកូនឈ្មោះ HUANG TONG ភេទប្រុស អាយុ៣១ឆ្នាំ ជាជនជាតិចិន មុខរបរជាអ្នកគ្រប់គ្រង ស្នាក់នៅក្នុងសណ្ឋាគារហ័រយិនកុងស៊ាន ដែលស្ថិតនៅភូមិព្រៃព្រីងខាងជើង សង្កាត់ចោមចៅទី៣ ខណ្ឌពោធិ៍សែនជ័យ ។
បើតាមសម្តីរបស់ស្ត្រីម្នាក់បកប្រែភាសាចិនបានឲ្យដឹងថា នៅមុនពេលកើតហេតុ ជនជាតិចិនទាំង២នាក់ឪពុកនិងកូនខាងលើបានចេញពីសណ្ឋាគារខាងលើបំរុងនាំគ្នាទៅហូបអីនៅក្រៅ បន្ទាប់មកដោយឪពុកឡើងជិះលើរថយន្ត ហើយកូនប្រុសកំពុងនិយាយទូរស័ព្ទនៅខាងក្រោយរថយន្ត ភ្លាមៗនោះស្រាប់តែឃើញជនសង្ស័យ២នាក់ជិះម៉ូតូមួយគ្រឿងម៉ាកស្គូពី ហើយបានឆក់យកទូរស័ព្ទពីដៃរបស់គាត់ ហើយជិះគេចខ្លួនបាត់ស្រមោល ។
ក្រោយពេលកើតហេតុ ជនរងគ្រោះបាននាំស្ត្រីជាអ្នកបកប្រែមកដាក់ពាក្យបណ្ដឹង នៅប៉ុស្តិ៍នគរបាលរដ្ឋបាលចោមចៅទី៣ដើម្បីឲ្យសមត្ថកិច្ចជួយអន្តរាគមន៍ភ្លាមៗផងដែរ ៕ សុខាសែនជ័យ
