សារព័ត៌មាន នគរវត្ត តែងតែនាំមុខគេជានិច្ច
ប្រទេសមួយចំនួន នៅតំបន់អាស៊ាន ពិសេសគឺតំបន់ឆ្នេរសមុទ្រ បានរងការវាយប្រហារដោយព្យុះ មានឈ្មោះថា Mum បង្កឲ្យមានសម្ពាធទាប បណ្តាលឲ្យភ្លៀងធ្លាក់ខ្លាំងជន់លិចតំបន់ជាច្រើន ។ តំបន់ដែលរងគ្រោះ គឺឆ្នេរសមុទ្រប្រទេស ថៃ វៀតណាម និងកម្ពុជាផងដែរ ។
នាយកដ្ឋានឧតុនិយមប្រទេសថៃ TMD បានផ្សព្វផ្សាយកាលពីថ្ងៃទី៤ ខែកក្កដា ឆ្នាំ២០១៩ថា ខ្យល់ព្យុះខ្ពង់រាប ឈ្មោះ Mun ដែលបាន និងកំពុងធ្លាក់មកចំនៅភាគខាងជើងរបស់ប្រទេសវៀតណាមនោះ នឹងនាំមកនូវភ្លៀងធ្លាក់ច្រើន និងខ្យល់ខ្លាំងឆ្លងកាត់ប្រទេសថៃ ។
ខ្យល់ព្យុះនេះបានមកដល់ប្រទេសវៀតណាមនៅវេលាម៉ោង៤ និង៣០នាទីព្រឹក ថ្ងៃទី៤ ខែកក្កដា បង្កឲ្យបាក់ដី និងស្ពាន សម្លាប់មនុស្ស២នាក់ នៅក្នុងស្រុក Tinh Gia ខេត្ត Thanh Hoa ភាគខាងជើងវៀតណាម ។
ប៉ុន្តែប្រភពនេះអះអាងថា Mun ទំនងជាមិនគំរាមកំហែងប៉ះពាល់ធ្ងន់ធ្ងរនោះទេ ខណៈវាបានថមថយឥទ្ធិពលមកត្រឹម៥៥គីឡូម៉ែត្រក្នុងមួយម៉ោង ដែលជាកម្រិតល្បឿនលឿនបំផុតនោះ ។
នៅព្រឹកថ្ងៃសុក្រនេះ Mun បាន និងកំពុងធ្វើដំណើរនៅភាគខ្លះក្នុងប្រទេសឡាវ និងនៅភាគខាងជើងប្រទេសវៀតណាម ។ កម្លាំងរបស់វាខ្សោយចុះនោះទេ ។
TMD បញ្ជាក់ថា ផ្នែកជាច្រើននៅក្នុងប្រទេសថៃបានរងឥទ្ធិពលដោយសារតែខ្យល់ព្យុះត្រូពិក Mun ខាងលើនេះដែរ ដោយនាំមកនូវភ្លៀងធ្លាក់ច្រើន និងខ្យល់កន្ត្រាក់ជាដើម ហើយអាចបង្កឲ្យបាក់ដី និងទឹកជំនន់ផងដែរ ។
ទឹកទន្លេមេគង្គកើនឡើង និងបំផ្លិចបំផ្លាញសំណង់មួយនៅក្នុងខេត្ត Kakhon Phanom ។ សំណង់ច្រាំងទន្លេមេគង្គមួយកន្លែងបានបាក់រលំ ដោយសារតែឥទ្ធិពលខ្យល់ព្យុះ និងទឹកទន្លេជន់ឡើងនេះ ។ ខ្យល់ព្យុះនេះនៅបណ្តាលឲ្យបាក់រលំបង្គោលភ្លើងផងដែរនៅតំបន់ Mae Sot ខេត្ត Tak ៕
