សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងមូលដ្ឋានកងរាជអាវុធហត្ថខណ្ឌដង្កោឃាត់ខ្លួនជនសង្ស័យ២នាក់ ក្រោយពីបានធ្វើសកម្មភាពឆក់ទូរស័ព្ទដៃពីនារីម្នាក់បានសម្រេច ហើយព្យាយាមជិះម៉ូតូគេចខ្លួន ។
ការឃាត់ខ្លួនជនសង្ស័យខាងលើនេះ បានធ្វើឡើងកាលពីវេលាម៉ោង៧ និង២០នាទីព្រឹក ថ្ងៃទី៨ ខែកក្កដា ឆ្នាំ២០១៩ ស្ថិតនៅផ្លូវបេតុងភូមិរលួស សង្កាត់ជើងឯក ខណ្ឌដង្កោ ។
អាវុធហត្ថខណ្ឌដង្កោបានឲ្យដឹងថា ជនសង្ស័យទី១ ឈ្មោះ មឿន សុវណ្ណ ផាកភុង អាយុ១៨ឆ្នាំ មុខរបរសន្តិសុខណាការ ស្នាក់នៅភូមិរការ សង្កាត់ចាក់អង្រែក្រោម ខណ្ឌមានជ័យ ។ ទី២ ឈ្មោះ សាត សុខឌីណា អាយុ១៩ឆ្នាំ មុខរបរមិនពិតប្រាកដ ស្នាក់នៅភូមិទួលសំបូ សង្កាត់ព្រៃវែង ខណ្ឌដង្កោ ។ ចំណែកនារីរងគ្រោះឈ្មោះសារិន ស្រីលាភ អាយុ២០ឆ្នាំមុខបរបុក្គលិកក្រុមហ៊ុនស្នាក់នៅភូមិម័ល សង្កាត់ដង្កោ ខណ្ឌដង្កោ ។
តាមសម្ដីនារីរងគ្រោះបានប្រាប់ឲ្យដឹងថា មុនពេលកើតហេតុ នាងបានជិះម៉ូតូម៉ាកCLiCKពណ៌ក្រហមពាក់ស្លាកលេខ ភ្នំពេញ 1R- 7281ចេញពីភូមិម័ល ក្នុងសង្កាត់ដង្កោ ទៅភូមិស្រុកចែកសង្កាត់ជើងឯក ដោយធ្វើដំណើរតាមផ្លូវ២១៧ទិសពីជើងទៅត្បួង ខណះមកពាក់កណ្ដាលផ្លូវ ស្រាប់តែប្ដីរបស់គាត់បានខលទូរស័ព្ទមក ហើយនាងក៏បានឈប់ម៉ូតូដកទូរស័ព្ទមកនិយាយតែមិនទាន់បាននិយាយផង ស្រាប់តែលិចមុខជនសង្ស័យ២នាក់ ជិះម៉ូតូម៉ាក CLiCK ពណ៌ក្រហមពាក់ស្លាកលេខ ភ្នំពេញ 1FL-0463 ជិះមកពីក្រោយរួចក៏ធ្វើសភាពឆក់ទូរស័ព្ទបានសម្រេច ហើយជិះម៉ូតូគេចខ្លួន តែពេលនោះនាងបានស្រែកថាចោៗហើយបានជិះម៉ូតូដេញតាម ភ្លាមៗនោះដែរ កម្លាំងកងរាជអាវុធហត្ថខណ្ឌដង្កោល្បាតក្នុងមូលរដ្ឋានបានឃើញ និងបានដេញចាប់បានទាំង២នាក់ម្ដង និងបានយកមកសួនាំនៅកម្លាំងមូលរដ្ឋានកងរាជអាវុធហត្ថខណ្ឌដង្កោ ។ នៅចំពោះមុខសមត្ថកិច្ចជនសង្ស័យទាំង២នាក់បានឆ្លើយថាខ្លួនពិតជាបានធ្វើសកម្មភាពឆក់ទូរស័ព្ទពីនារីរងគ្រោះពិតប្រាកដមែន ។
បច្ចុប្បន្នជនសង្ស័យទាំង២នាក់ខាងលើ ត្រូវបានកម្លាំងកងរាជអាវុធហត្ថខណ្ឌដង្កោបញ្ជួនទៅកាន់កងរាជអាវុធហត្ថរាជធានីភ្នំពេញ ដើម្បីកសាងសំណុំរឿងចាត់ការតាមនីតិវិធី ៕ ភារ៉ា ដង្កោ
