សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់ បុរស៤នាក់បានរងរបួសធ្ងន់ស្រាល ដោយសារករណីគ្រោះថ្នាក់ចរាចរណ៍រវាងម៉ូតូ២គ្រឿង បុកស្របទិសគ្នាពេញទំហឹងកាលវេលាម៉ោង៦ និង៥៥នាទីល្ងាច ថ្ងៃទី៧ ខែកក្កដា ឆ្នាំ២០១៩ នៅលើផ្លូវលេខ ៣១៤D ត្រង់ចំណុចភូមិទួលត្របែក ឃុំប្រសូតិ ស្រុកស្វាយទាប ខេត្តស្វាយរៀង ។
យោងតាមសមត្ថកិច្ចនគរបាលស្រុកបានឲ្យដឹងថា អ្នកបើកបង្កហេតុមានឈ្មោះកើត ដារ៉ូ អាយុ១៨ឆ្នាំ មុខរបរ កម្មកររោងចក្រ និងអ្នករួមដំណើរឈ្មោះ ព្រំ យ៉ាន់ ភេទប្រុស អាយុ១៨ឆ្នាំ មុខរបរ កម្មកររោងចក្រ រស់នៅភូមិសំបួរ ឃុំសំបួរ ស្រុកស្វាយទាប ខេត្តស្វាយរៀង ជិះម៉ូតូម៉ាកហុងដាឌ្រីម ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ ស្វវាយរៀង ១J-៨៦៩៦ ខូចខាតយ៉ាងដំណំ ។
ចំណែកភាគីម្ខាងទៀតមានឈ្មោះយស់ ស៊ីដេត អាយុ ៣៣ឆ្នាំ មុខរបរ ជាងជួសជុលម៉ូតូ និងអ្នករួមដំណើរជាមួយឈ្មោះ យស់ សុផាន់ណា ភេទប្រុស អាយុ១៩ឆ្នាំ រស់នៅភូមិប្រសូតិ១ ឃុំកណ្តៀងរាយ ស្រុកស្វាយទាប ខេត្តស្វាយរៀង ។
បើតាមសាក្សីបានឲ្យដឹងថា មុនកើតហេតុមានយុវជន២នាក់បានជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ ស្វាយរៀង១J-៨៦៩៦ធ្វើដំណើរក្នុងទិសដៅពីត្បូងទៅជើងប្រើប្រាស់ល្បឿនលឿនខ្វះប្រុងប្រយត្ន័ ស្រាប់តែទៅបុក និងម៉ូតូមួយគ្រឿងទៀតជិះគ្នា២នាក់ម៉ាក ស៊ីរ៉ូស ពណ៌ក្រហម លាយខ្មៅ ពាក់ស្លាកលេខ ភ្នំពេញ ១AC-០១៦៨ ទិសដៅស្របគ្នាពីមុខយ៉ាងពេញទំហឹងលាន់ដូចរន្ទះបង្កការភ្ញាក់ផ្អើលតែម្ដង ។
ក្រោយកើតហេតុ អ្នករងរបួសត្រូវទាំង៤នាក់ ត្រូវបានសមត្ថកិ្ចបញ្ជូនទៅមន្ទីរពេទ្យបង្អែកស្រុកស្វាយទាប និងវាស់វែងព្រមទាំងអូសយកមធ្យោបាយធ្វើដំណើរទាំងពីរគ្រឿងយកទៅរក្សាទុកនៅប៉ុស្តិ៍នគរបាលរដ្ឋបាលឃុំប្រសូតិ ដើម្បីដោះស្រាយតាមច្បាប់ ៕ យឹម សុថាន
