សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ជនសង្ស័យម្នាក់ និងថ្នាំញៀន១៦កញ្ចប់ ទូរសព្ទ័៥គ្រឿង ត្រូវបានសមត្ថកិច្ចជំនាញចុះបង្ក្រាបមុខសញ្ញាជួញដូរ និងរក្សាទុកគ្រឿងញៀននៅក្រុងបាវិត កាលពីថ្ងៃទី៨ ខែកក្កដា ឆ្នាំ២០១៩ វេលាម៉ោង៥និង២០នាទីល្ងាច នៅចំណុចផ្ទះជួលមួយកន្លែងបន្ទប់លេខ២ ស្ថិតក្នុងភូមិថ្នល់ជាតិ សង្កាត់ច្រកម្ទេស ក្រុងបាវិត ខេត្តស្វាយរៀង ។
យោងតាមសមត្ថកិច្ចនគរបាលក្រុងបាវិតបានឲ្យដឹងថា ជនសង្ស័យដែលឃាត់ខ្លួនមានឈ្មោះ យង់ ចាន់រ៉ា អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិស្វាយតាយាន ឃុំស្វាយតាយាន ស្រុកកំពង់រោទិ៍ ខេត្តស្វាយរៀង ។
ប្រភពបន្តថា សមត្ថកិច្ចក៏បានដកហូតវត្ថុតាងរួមមាន ម្សៅក្រាបពណ៌សថ្លា ( សង្ស័យថ្នាំញៀនប្រភេទ មេតាំហ្វេតាមីន)ចំនួន ១៦ បញ្ចប់ (ធំ ០១ កញ្ចប់ )ថ្នាំគ្រាប់ពណ៌ផ្កាឈូកចំនួន០១កញ្ចប់ ( ចំនួន០៥ គ្រាប់ ) ទូរសព្ឌ័ដៃចំនួន០៥គ្រឿង ព្រមទាំងសម្ភារវេចខ្ចប់ និងប្រើប្រាស់ មួយចំនួនទៀត ។
ប្រភពបន្តថា បន្ទាប់ពីទទួលសេចក្ដីរាយការណ៍ល្អពីម្ចាស់ផ្ទះជួលឈ្មោះ សុខ ចន្នី ភេទស្រីអាយុ៣៣ឆ្នាំ ស្ថិតក្នុងភូមិថ្នល់ជាតិ សង្កាត់ច្រកម្ទេស ក្រុងបាវិត ខេត្តស្វាយរៀងថា បន្ទប់លេខ២ មានករណីសង្ស័យទើបកម្លាំងប៉ុស្ដិនគរបាលរដ្ឋបាលច្រកម្ទេស បានសហការជាមួយកម្លាំងជំនាញការិយាល័យប្រឆាំងគ្រឿងញៀន ខេត្តស្វាយរៀង ដឹកនាំដោយលោកវរះសេនិយ៍ឯក កាន កេន នាយការិយាល័យប្រឆាំងគ្រឿងញៀន ខេត្ត និងសមត្តកិច្ចបានប្រតិបត្តិការបង្ក្រាបមុខសញ្ញាជួញដូរ និងរក្សាទុកគ្រឿងញៀនខុសច្បាប់បានម្នាក់តែម្ដង ។
បច្ចុប្បន្នជនសង្ស័យរួមទាំងវត្ថុតាងសមត្ថកិច្ចនគរបាលបានកសាងសំណុំរឿងបញ្ជូនទៅការិយាល័យនគរបាលជំនាញស្នងការដ្ឋាន ខេត្តចាត់ការបន្តតាមច្បាប់ ៕ យឹម សុថាន
