សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ កម្លាំងកងរាជអាវុធហត្ថមូលដ្ឋានស្រុលវាលវែង មន្រ្ដីបរិស្ថាន និងប្រជាការពារភូមិ ឃាត់ចាប់គ្រឿងចក្រ ១គ្រឿង ខណៈកំពុងធ្វើសកម្មភាពឈូកឆាយដីព្រៃរបស់រដ្ឋ ដោយគ្មានលិខិតអនុញ្ញាត ដើម្បីបន្តនីតិវិធី ។
ប្រតិបត្តិការខាងលើ ធ្វើឡើងនាព្រឹកថ្ងៃច័ន្ទ ៨កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៨ ខែកក្កដា ឆ្នាំ២០១៩ ត្រង់ចំណុចកំប៉ង (ក្នុងព្រៃ) ស្ថិតក្នុងភូមិក្រពើរពី ឃុំក្រពើរពី ស្រុកវាលវែង ខេត្តពោធិ៍សាត់ ។
ប្រភពព័ត៌មានពីកម្លាំងចុះប្រត្តិបត្តិការខាងលើបង្ហើបថា លទ្ធផល៖ កម្លាំងឃាត់ចាប់គ្រឿងចក្រ(អាប៊ុល) ១គ្រឿង ម្ចាស់រត់គេចខ្លួនបាត់ បច្ចុប្បន្ន វត្ថុតាង (គ្រឿងចក្រ) រក្សាទុកជាបណ្ដោះអាសន្ន នៅទីស្នាក់ការដែនជំរកសត្វព្រៃភ្នំសំកុស ដើម្បីរង់ចាំបន្តនីតិវិធី ៕ បុឹម ពិន
