សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍ រវាង ម៉ូតូ នឹងរថយន្ត ក្នុងទិសដៅផ្ទុយគ្នា បណ្តាលឲ្យបមុស្សប្រុសម្នាក់ស្លាប់ និងខូចខាតម៉ូតូ ០១គ្រឿង រថយន្ដ០១គ្រឿង ។ ហេតុការណ៍នេះ បានកើតឡើងកាលពីវេលាម៉ោង២០និង៤០នាទី ថ្ងៃទី៩ ខែកក្កដា ឆ្នាំ២០១៩ នៅលើកំណាត់ផ្លូវលំក្រាលកៅស៊ូ ភូមិក្រវ៉ា ឃុំក្រវ៉ា ស្រុកបារាយណ៍ ខេត្តកំពង់ធំ ។
សមត្ថកិច្ចបានឲ្យដឹងថា ម៉ូតូម៉ាក ហុងដា ឌ្រីម C125 ពណ៌ខ្មៅ ស្លាកលេខ កំពង់ចាម1J.2269 បើកបរទិសដៅពីលិចទៅកើត ដោយឈ្មោះស្លឹក ហាត ភេទប្រុស អាយុ២៩ឆ្នាំ មុខរបរកម្មករអគ្គិសនី រស់នៅភូមិស្លាកែត ឃុំក្រវ៉ា ស្រុកបារាយណ៍ ស្លាប់នៅកន្លែងកើតហេតុ (មិនពាក់មួកសុវត្ថិភាព) ។
រថយន្តម៉ាកហ៊ីយ៉ាន់ដាយ ពណ៌ស ស្លាកលេខកំពង់ចាម3A.1710 ដឹកមើមដំឡូងមី បើកបរទិសដៅពីកើតទៅលិច អ្នកបើកបរមិនស្គាល់អត្តសញ្ញាណ គេចខ្លួនបាត់ ។ សមត្ថកិច្ចបញ្ជាក់ថា ករណីគ្រោះថ្នាក់នេះកើតឡើងដោយមូលហេតុ អ្នកបើកបរម៉ូតូ បើកបរស្ថិតក្នុងស្ថានភាពស្រវឹង និងមិនប្រកាន់ស្តាំ ។
ក្រោយកើតហេតុ សមត្ថកិច្ចបានចុះវាស់វែងធ្វើកំណត់ហេតុ និងប្រមូលវត្ថុតាងរថយន្ត និងម៉ូតូយករក្សាទុកនៅអធិការដ្ឋាននគរបាលស្រុកបារាយណ៍ា ចំណែកសាកសព បានប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី ៕ ប៊ុនរិទ្ធី
