សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ កាលពី ថ្ងៃទី១០ ខែកក្កដា ឆ្នាំ ២០១៩កន្លងមកនេះ មានករណីបង្រ្កាប និងចុះបិទទីតាំងសហគ្រាសលឹម ភ័ណ្ទ បណ្តោះអាសន្ន ក្នុងករណីសមត្ថកិច្ចបានពិនិត្យឃើញថា សហគ្រាសនេះ មានច្បាប់អនុញ្ញាតត្រឹមត្រូវ តែការផលិតខុសបច្ចេកទេស គ្មានស្តង់ដាអានាម័យ ត្រូវបានលោក លោកអ៊ិត សុធាព្រះរាជអាជ្ញាអមសាលាដំបូងខេត្តកំពង់ធំ អមដោយលោក លោកឧត្តមសេនីយ៍ត្រី កាន វឌ្ឍនា អនុប្រធានលេខាធិការដ្ឋាន សហការជាមួយ កម្លាំងប្រឆាំងបទល្មើសក្លែងក្លាយ នៃស្នងការដ្ឋាននគរបាលខេត្តកំពង់ធំ និងមានការ ចូលរួមពីសំណាក់ កម្លាំងអធិការក្រុងស្ទឹងសែន និងប៉ុស្តិ៍រដ្ឋបាល សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ។
ដោយឡែក ទីតាំសហគ្រាសផលិតទឹកក្រូច ក្លែងក្លាយ យី ហោ លឹម ភ័ណ្ទ ត្រូវបានកម្លាំងប៉ូលិសសេដ្ឋកិច្ចក្រសួងមហាផ្ទៃ ចុះបង្រ្កាប និងបិទការផលិតបណ្តោះអាសន្ន ដើម្បីផ្អាការការផលិត និងចែកចាយ ម្ចាស់សហគ្រាសឈ្មោះ លឹម ភ័ណ្ទ ត្រូវជាអនុប្រធានសភាពាណិជ្ឋកម្មកំពង់ធំ និង ព្រះវិហារ ដោយសាររកឃើញ ផលិតផលផលិតគ្មានគុណភាព គ្មានអនាម័យ ដោយប្រើប្រាស់សារធាតុគីមីរួមផ្សំក្នុងការផលិតទឹកក្រូច ។
លុះយប់ ថ្ងៃទី ១០ ខែកក្កដា ឆ្នាំ២០១៩ លោក នួន ស៊ីណាល់ អនុប្រធានមន្ទីរឧស្សាហកម្ម ខេត្តកំពង់ធំ បានប្រតិកម្មទៅ និង សារព័ត៌មាន ដែលបានចុះផ្សាយពី សហគ្រាសផលិតទឹកក្រូចក្លែងក្លាយ របស់លោកលឹម ភ័ណ្ទដូចខាងក្រោម ។
លោក នួន ស៊ីណាល់ បានសរសេរលើបណ្តាញ តេឡេក្រាមសេរីភាពអ្នកសារព័ត៌មានថា សហគ្រាសរបស់លោកលឹម ភ័ណ្ឌមានច្បាប់អនុញ្ញាតត្រឹមត្រូវ ហេតុអ្វីបានជាសារព័ត៌មានមិនសួរនាំមន្ទីរជំនាញសិន? ការដែលបង្ហោះព័ត៌មានដែលឲ្យខូចយីហោសហគ្រាសរបស់គេយ់ាងនេះ តើវាមានព្យសនកម្មអ្វីខ្លះដែលគេបានប្រកាសពន្ធស្របច្បាប់រាងរាល់ ខែនោះ? មិនគួរអ្នកអនុវត្តច្បាប់ប្រព្រឹត្តខុសវិជ្ជាជីវយ៉ាងដូចច្នេះសោះ! កុំរុញឲ្យខ្លោច រួចឲ្យឆៅ ប្រយ័ត្នស្រោចគល់! គួរនាំគ្នាលើកកម្ពស់ផលិតផលក្នុងស្រុកខ្លះទៅ! ។
សូមបញ្ជាក់ថា ការសរសេរនេះ បានចោទប្រកាន់យ៉ាងធ្ងន់ធ្ងរ ទៅលើការផ្សព្វផ្សាយ និងមើលងាយប្រមាថ ដល់សមត្ថកិច្ចជំនាញ ដែលបានចុះអនុវត្ត ខណៈពេលដែល អ្នកសារព័ត៌មាន សរសេរគឺបានធ្វើឡើងតាម តែជំនាញប្រាប់ ទើបបានធ្វើឲ្យប្រតិកម្មដល់គណកម្មការចុះត្រួតពិនិត្យ ទើបលោក អ៉ិត សុធា ព្រះរាជអាជ្ញា អមសាលាដំបូង ខេត្តកំពង់ធំ បានបញ្ជាឲ្យសមត្ថកិច្ចទៅអញ្ជើញ លោក នូន ស៊ីណាល់ អនុប្រធានមន្ទីរឧស្សាហកម្មខេត្តកំពង់ធំ មកសួរនាំភ្លាមតែម្តង នៅស្នងការដ្ឋាននគរបាលខេត្តកំពង់ធំ ព្រឹក ថ្ងៃទី១១ ខែកក្កដា ឆ្នាំ ២០១៩ ។
បន្ទាប់ពីសួរនាំ លោក លោក នូន ស៊ីណាល់ បានសារភាពកំហុសឆ្គង ដែលខ្លួនជា សមត្ថកិច្ចជំនាញគ្រប់ គ្រងឧស្សាហកម្ម ដែលមិនបានអនុវត្តតួនាទីឲ្យគ្រប់ជ្រុងជ្រោយ ក្នុងការពិនិត្យគុណភាព ស្តង់ដា ការផលិត ការថែរក្សា និងការប្រើប្រាស់សារធាតិគីមី និងបានបំភ្លឺជាសាធារណៈភ្លាមៗ ដែលបានទទួលកំហុស ថាពិតជាពុំបានចំនុចទាំង៦= ទី១ មិនបានសុំច្បាប់ចុះបញ្ជីផលិតផល នៅលើសំបកវេចខ្ចប់ មិនមាន ច.ប.ផ ។ ទី២ នៅលើសំបកវេចខ្ចប់ដាក់អាសយដ្ឋានមិនពិតប្រាកដ ។ ទី៣ មិនមានវិញ្ញាបនបត្របញ្ជាក់ គុណភាព ។ ទី៤ ប្រើប្រាស់សារធាតុគីមី ( សម្រាប់ផលិតទឹកក្រូច ) ។ ទី៥ ទំនិញនាំចូលគ្មានប្រភពច្បាស់លាស់ ។ ទី៦ រក្សាទុកទំនិញខូចគុណភាព និង ហួសកាលបរិច្ឆេទ ។ (ក្នុងនោះដែរ លោក លោក នូន ស៊ីណាល់ អាចប្រឈម និងជាប់ពាក់ព័ន្ធទៅ និង ការឃុបឃិតរួមសមគំនិត ឲ្យផលិតទឹកក្រូចក្លែងក្លាយ ៕ ប៊ុនរិទ្ធី
