បុរសវ័យចំណាស់ ខ្មែរសញ្ជាតិបារាំង ដេកស្លាប់នៅផ្ទះសំណាក់ ញ៉ូហ្វឺប៉ារីស

ភ្នំពេញ៖ ជនជាតិខ្មែរ សញ្ជាតិបារាំង ដេកស្លាប់នៅចំណុចបន្ទប់លេខ១១៥ ជាន់ឡៅតឿ ផ្ទះសំណាក់ញ៉ូហ្វឺប៉ារីស ផ្ទះលេខ៤១អឺ០ ផ្លូវលេខ៨៦ ភូមិ៧ សង្កាត់ស្រះចក ខណ្ឌដូនពេញ កាលពីម៉ោង២ រសៀលថ្ងៃទី១៦ ខែកកក្កដា ឆ្នាំ២០១៩ ហើយកម្លាំងប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ បានចុះទៅដល់ទីតាំងកើតហេតុ ។

សពឈ្មោះ លីម សេលី (LIM SE LY) អាយុ៥៩ឆ្នាំ ជនជាតិខ្មែរ សញ្ជាតិបារាំង មុខរបរទេសចរណ៍ កាន់លិខិតឆ្លងដែនលេខ 14DR97589 ស្នាក់នៅទីតាំងខាងលើ ។

តាមការបំភ្លឺឈ្មោះ ខាត់ ខ្លឹម ភេទប្រុស អាយុ៤៤ឆ្នាំ ជនជាតិខ្មែរ មុខរបរបុគ្គលិកផ្ទះសំណាក់ និងឈ្មោះ លីម អាដឺលីន ភេទស្រី អាយុ៦៣ឆ្នាំ ជនជាតិខ្មែរ សញ្ជាតិបារាំង មុខរបរទេសចរណ៍ ត្រូវជាបងបង្កើតសព បានឲ្យដឹងថា៖ មុនពេលកើតហេតុនៅថ្ងៃទី១៦ ខែកក្កដា ឆ្នាំ២០១៩ ម៉ោង១២ និង៣០នាទី គាត់បានទទួលទូរស័ព្ទប្អូនថ្លៃ (ប្រពន្ធសព)ពីប្រទេសបារាំង ប្រាប់ថាឈ្មោះ លីម សេលី (LIM SE LY) មិនសូវស្រួលខ្លួន (ឈឺ)នៅទីតាំងកើតហេតុ ។

ក្រោយពីទទួលបានដំណឹងរួច គាត់បានធ្វើដំណើរមកដល់ទីតាំងកើតហេតុ បានបើកទ្វារចូលឃើញប្អូនប្រុសឈ្មោះ លីម សេលី (LIM SE LY) កំពុងមានអការស្លេកស្លាំងពិបាកដកដង្ហើម ក៏ហៅបុគ្គលិកផ្ទះសំណាក់ មកជួយសង្គ្រោះជាបឋម និងហៅរថយន្តសង្គ្រោះ ដើម្បីដឹកទៅព្យាបាលនៅមន្ទីរពេទ្យ ពេលទៅដល់ក្រុមគ្រូពេទ្យ បានពិនិត្យរួចប្រាប់ថា ជនរងគ្រោះបានដាច់ខ្យល់ស្លាប់ហើយ ។

សមត្ថកិច្ចជំនាញធ្វើកោសល្យវិច័យបានឲ្យដឹងថា ជនរងគ្រោះស្លាប់ដោយសារគាំងបេះដូង (បណ្តាលមកពីជំងឺលើសឈាម) ។

បច្ចុប្បន្នសពបានយកទៅតម្កល់ទុកនៅមន្ទីរពេទ្យមិត្តភាពកម្ពុជា-សូវៀត រាជធានីភ្នំពេញ រង់ចាំក្រុមគ្រួសារមកធ្វើបុណ្យតាមប្រពៃណី ៕ ជ្រោយពេជ្រ