ឆ្លងចរន្ដអគ្គិសនីឆេះផ្ទះប្រជាពលរដ្ឋ៣ខ្នង ខូចខាតទ្រព្យសម្បតិ្ដអស់ជាច្រើន

ខេត្តកំពង់ធំ៖ អគ្គិភ័យឆេះផ្ទះចំនួន ៣ខ្នងខូចខាតទ្រព្យសម្បតិ្ដ មាស ៨ជី លុយជាច្រើនពាន់ដុល្លារ និងសម្ភារមួយទៀត ហេតុការណ៍នេះ បានកើតឡើងកាលពី វេលាម៉ោង ១២និង០០នាទីថ្ងៃត្រង់ ថ្ងៃទី ១៩ ខែកក្កដា ឆ្នាំ២០១៩ ស្ថិតក្នុងភូមិត្រដកពង ឃុំពង្រ ស្រុកតាំងគោក ខេត្តកំពង់ធំ ។

សមត្ថកិច្ចបានឲ្យដឹងថា ទី១ម្ចាស់ផ្ទះឈ្មោះ សាយ កុសល់ ភេទប្រុស ៤៤ឆ្នាំ ប្រពន្ធឈ្មោះ សៀង គឹមហ៊ាន់ អាយុ ៣៩ឆ្នាំ ផ្ទះទំហំ៧x១២ម៉ែត្រ ប្រក់ក្បឿងជញ្ជាំងក្តារខូចខាត៖ ឆេះផ្ទះមួយខ្នងទាំងស្រុងទំហំ៧x១២ម៉ែត្រ ,ទូរទស្សន៍ចំនួន ១គ្រឿង ,បាស្តចំនួន ១គូ, ប្រាក់ដុល្លារចំនួន ៣០០០ដុល្លារ ,មាសចំនួន ៨ជី, សម្ភារប្រើប្រាស់ក្នុងផ្ទះមួយចំនួនទៀត ។

ទី២.ម្ចាស់ផ្ទះឈ្មោះ អៀន អឿន ភេទប្រុស អាយុ ៥០ឆ្នាំ ប្រពន្ធឈ្មោះ សំភាន់ អាយុ ៤០ឆ្នាំ ផ្ទះទំហំ ៦x៨ម៉ែត្រ ប្រក់ក្បឿង ជញ្ជាំងក្តារ ខូចខាត៖ ឆេះផ្ទះប្រហែល២០% ។ ទី៣.ម្ចាស់ផ្ទះឈ្មោះ សាយ មី ភេទស្រី អាយុ ៦៩ឆ្នាំ ផ្ទះទំហំ៦x៨ម៉ែត្រ ប្រក់ក្បឿង ជញ្ជាំងក្តារ
ខូចខាត៖ ឆេះផ្ទះប្រហែល២០% ។ មូលហេតុ៖ ឆ្លងចរន្តអគ្គិសនី ។

រថយន្តអគ្គិភ័យរបស់អធិការដ្ឋាននគរបាលស្រុកបារាយណ៍ បានចេញអន្តរាគមន៍ចំនួន ១គ្រឿង និងរថយន្តអគ្គិភ័យរបស់អធិការដ្ឋាននគរបាលស្រុកសន្ទុក បានចេញអន្តាគមន៍ចំនួន ១គ្រឿងប្រើប្រាស់ទឹកសរុបចំនួន ០៥រថយន្តស្មើនិង២០ម៉ែត្រគូប រលត់ទាំងស្រុង ដឹកនាំដោយលោក ហាក់ ម៉ុងហួត អភិបាលស្រុកតាំងគោក ប្រើប្រាស់កម្លាំងសរុបចំនួន ៥៤នាក់រួមមានកម្លាំងអធិការដ្ឋាននគរបាលស្រុកបារាយណ៍ចំនួន ១០នាក់, កម្លាំងប៉ុស្តិ៍ចំនួន ០៧នាក់, កម្លាំងអធិការដ្ឋាននគរបាលស្រុកសន្ទុកចំនួន ០៥នាក់, កម្លាំង PM ចំនួន ១២នាក់, ប្រជាការពារចំនួន ២០នាក់ ៕ ប៊ុនរិទ្ធី