សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នារីម្នាក់ស្រវឹងស្រាធ្លាក់ភ្នែក បើករថយន្តព្រូសបោះពួយយ៉ាងលឿន ហើយជ្រុលចង្កូតទៅបុករទេះអេតចាយកំពុងឈប់អែបចិញ្ចើមផ្លូវពេញទំហឹង បណ្ដាលឲ្យប៉ើងប្រមាណជាង៥០ម៉ែត្រ និងបណ្ដាលឲ្យបុរសម្នាក់បែកក្បាលរងរបួសធ្ងន់ ។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១ និង៣០នាទីរំលងអធ្រាត្រ ឈានចូលថ្ងៃទី២៤ ខែកក្កដា ឆ្នាំ២០១៩ ស្ថិតតាមបណ្ដោយផ្លូវព្រះមុនីវង្ស ត្រង់ចំណុចមុខហាងលក់បបរស្ទុបពេទ្យចិន ក្នុងសង្កាត់បឹងកេង២ ខណ្ឌបឹងកេងកង រាជធានីភ្នំពេញ ។
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញនារីម្នាក់ស្រវឹងស្រាធ្លាក់ភ្នែក បានបើករថយន្តម៉ាកTOYOTA PRIUS ពណ៌ស ពាក់ស្លាកលេខភ្នំពេញ2AU -9472 ធ្វើដំណើរក្នុងទិសដៅពីជើងទៅត្បូងក្នុងល្បឿនលឿនដូចហោះ ខណៈមកដល់ចំណុចកើតហេតុខាងលើបានរេចង្កូតមកខាងស្ដាំជ្រុលទៅបុករទេះអេតចាយកំពុងឈប់ចិញ្ចើមផ្លូវពេញទំហឹងប៉ើងប្រមាណ៥០ម៉ែត្រ បណ្ដាលឲ្យបុរសម្នាក់រងរបួសធ្ងន់ ហើយត្រូវបានសតិក្រោយកើតហេតុសមត្ថកិច្ចមូលដ្ឋានទាក់ទងទៅផ្នែកជំនាញចរាចរណ៍ចុះមកវាស់វែងយករថយន្តបង្ក និងរទេះអេតចាយទៅរក្សាទុកនៅការិយាល័យចរណ៍ផ្លូវគោករាជធានីភ្នំពេញ រង់ចាំដោះស្រាយនៅពេលក្រោយ ៕ ភារ៉ា ដង្កោ
