សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តារាសម្តែងវ័យក្មេងសាច់សខ្ចី គីម ចាន់បូរមី ដែលធ្លាប់បានបង្ហាញចំណងស្នេហ៍បើកចំហជាមួយ លោក ហ៊ុន បញ្ញាបុត្រ នោះ ទទួលបានកាដូយ៉ាងគាប់ចិត្តពីគូស្នេហ៍គឺរថយន្តថ្លីសន្លាងមួយគ្រឿងក្នុងថ្ងៃខួបកណើត ។
Freshie Gil ប្រចាំឆ្នាំ២០១៤ គីម ចាន់បូរមី បានបង្ហាញនូវអារម្មណ៍រំភើប និង ស្នាមញញឹមដែលពោរពេញទៅដោយសេចក្តីសុខនៅពេលដែលនាងទទួលបាននូវកាដូយ៉ាងគាប់ចិត្តគឺរថយន្តស៊េរីទំនើបពីសំណាក់គូស្នេហ៍នៅក្នុងថ្ងៃខួបកំណើត ។
រថយន្តស៊េរីទំនើបពណ៌សថ្មីសន្លាងដែលមានតម្លៃរាប់ម៉ឺនដុល្លារ រួមជាមួយ និងបាច់ផ្កាយ៉ាងស្រស់ស្អាតដែលជាកាដូពិសេសពីសំណាក់លោក ហ៊ុន បញ្ញាបុត្រ អមដោយសារយ៉ាងផ្អែមល្ហែមពីនាងថា «អរគុណចំពោះកាដូខួបកំណើតសម្រាប់ឆ្នាំនេះ អរគុណដែលគោរពផ្ដល់តម្លៃ និង នៅតែរក្សាការស្រឡាញ់ ភាពស្មោះត្រង់ដូចដើម ដូចថ្ងៃដែលពួកយើងចាប់ផ្ដើមស្គាល់គ្នាដំបូង» ។ ក្រៅពីសារផ្អែមល្ហែមនាងក៏ទទួលបានការកោតសរសើរពីភព្វ័សំណាងរបស់នាងដែលមានគូស្នេហ៍ជាបុរសល្អចេះយល់ចិត្តនាងបែបនេះសោះ ។ ក្នុងនោះក៏មានការជូនពរឲ្យចំណងស្នេហ៍របស់ គីម ចាន់បូរមី រឹងមាំ និង ផ្អែមល្ហែមរហូត ផងដែរ៕ វឌ្ឍនា
