សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានធ្វើសកម្មភាពកាត់សំណាញ់របងលួសផ្លោះ ចូលក្នុងរោងចក្រលួចក្រណាត់ ត្រូវបានសន្តិសុខឃាត់ខ្លួនកាលពីវេលាម៉ោង២១ និង៤០នាទី ថ្ងៃទី ៣០ ខែកក្កដា ឆ្នាំ២០១៩ ចំណុចបរិវេណរោងចក្រគង់ហុង ភូមិកន្ទោកជើង សង្កាត់ កន្ទោក ខណ្ឌពោធិ៍សែនជ័យ ។
ជនសង្ស័យឈ្មោះ ស៊ុន សារ៉េត ភេទប្រុស អាយុ៣៩ឆ្នាំ មុខរបរមិនពិតប្រាកដ ស្នាក់នៅមិនពិត ។ ជនរងគ្រោះឈ្មោះ កែវ វុទ្ធធឿន ភេទប្រុស អាយុ៣៥ឆ្នាំ មុខរបររដ្ឋបាលរោងចក្រ ស្នាក់នៅបច្ចុប្បន្នផ្ទះលេខ១៧២ ផ្លូវBT31 ភូមិសន្សំកុសល សង្កាត់បឹងទំពន់ ខណ្ឌមានជ័យ ។
សម្ភារ ដកហូត៖ ដែកកាប់ចំនួន១ ពិលចំនួន១ និងថ្នាំក្រាមសថ្លា២កញ្ចប់ថង់តូច ។
ប្រភព័ត៌មានបានឲ្យដឹងថា មុនពេលកើតហេតុគេបានឃើញជនសង្ស័យខាងលើមកអង្គុយលេងនៅផ្លូវរថភ្លើងដែលនៅក្បែររោងចក្រ ។ លុះមកដល់វេលាកើតហេតុជនសង្ស័យបានដើរទៅក្នុងការ៉ាសសាំង LHR ដែលជាប់ និងរបងរោងចក្រហើយបានធ្វើសកម្មភាពកាត់សំណាញ់លួសផ្លោះចូលក្នុងរបងរោងចក្រភ្លាមនោះសមត្ថកិច្ចមកទាន់ ក៏ឃាត់ជនសង្ស័យភ្លាមៗ និងប្រគល់ទៅសមត្ថកិច្ចចាត់ការបន្ត ។
បច្ចុប្បន្នជនសង្ស័យបានបញ្ចូនមកកាន់ ផ្នែកជំនាញ នៃអធិការដ្ឋាន នគរបាលខណ្ឌពោធិ៍សែនជ័យ ដើម្បីសួរនាំ និងឃុំខ្លួនជាបណ្តោះអាសន្ន រងចាំឡើងតុលារការចាត់ការតាមនីតិវិធី ៕ សុខាសែនជ័យ
