ព័ត៌មានទាន់ហេតុការណ៍៖

ជីកអណ្តូងដាក់លូបាក់ដីសង្កត់មនុស្សម្នាក់ស្លាប់យ៉ាងអាណោចអាធ័មនៅស្រុកសូទ្រនិគម

ចែករំលែក៖

ខេត្តសៀមរាប៖ បុរសម្នាក់បានស្លាប់ដោយសារជីកអណ្តូងដាក់លូ ហើយត្រូវបានដីបាក់សង្តត់ស្លាប់យ៉ាងអាណោចអាធ័ម ។

ហេតុការណ៍នេះ បានកើតឡើងនៅវេលាម៉ោង៩និង៣០នាទីព្រឹក ថ្ងៃទី១ ខែសីហា ឆ្នាំ២០១៩ នៅចំណុចភូមិសន្ទៃ ឃុំដារុន ស្រុកសូទ្រនិគម ខេត្តសៀមរាប។

ជនរងគ្រោះ ឈ្មោះ លាត ជ ភេទប្រុស អាយុ៣៤ឆ្នាំ រស់នៅភូមិសន្ទៃ ឃុំដារុន ស្រុកសូទ្រនិគម ខេត្តសៀមរាប។

លោក ទេពចាន់ណា អធិការស្រុកសូទ្រនិគមបានឲ្យដឹងនៅព្រឹកថ្ងៃទី៣ ខែសីហា ឆ្នាំ២០១៩ ថា ករណីខាងលើនេះ ពិតជាមានមែន ដោយជនរងគ្រោះបានជីកដីធ្វើអណ្ដូងទឹក ខណៈកំពុងជីកដាក់លូ ក៏ស្រាប់តែបាក់ដីសង្កត់ ស្លាប់តែម្ដង ទោះមានអ្នកជួយក៏ដោយក៏ ជួយមិនទាន់នោះទេ ព្រោះដីសង្កត់ជ្រៅពេក ៕ ប៊ុនរិទ្ធី


ចែករំលែក៖