សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សាហាវណាស់ ដោយសាភ្លើងប្រចណ្ឌប្តីហ៊ានដកកាំភ្លើងបាញ់ប្រហារ ទៅលើប្រពន្ធជាច្រើនគ្រាប់ បណ្តាលឲ្យរងរបួសធ្ងន់រួចបើករថយន្តរត់ត្រូវបានកម្លាំងសមត្ថកិច្ចដេញចាប់បានមកវិញ ។
ហេតុការណ៍បាញ់ប្រហារ ទៅលើប្រពន្ធយ៉ាងសាហាវនេះ កើតឡើងកាលពីវេលាម៉ោង១១និង៣០នាទីយប់ ថ្ងៃទី៧ ខែសីហា ឆ្នាំ២០១៩ ស្ថិតនៅចំណុចអាហារដ្ឋាន យីហោ ទីរ៉ានី តាមផ្លូវរថភ្លើង កែងនឹងផ្លូវ ភ្នំពេញ ហាណូយ ភូមិចុងខ្សាច់ ក្នុងសង្កាត់ទឹកថ្លា ខណ្ឌសែនសុខ ។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនកើតហេតុ គេឃើញប្តីប្រពន្ធពីរនាក់កំពុងផឹកសុី ស្រាប់តែមួយសន្ទុះក្រោយមក មិនដឹងថា មានរឿងអ្វី ប្រពន្ធបានដើរចេញមកក្រៅ ស្រាប់តែប្តីបានដកកាំភ្លើងបាញ់ប្រហារជាច្រើនគ្រាប់បណ្តាលឲ្យប្រពន្ធរងរបួសធ្ងន់ រួចព្យាយាមបើករថយន្តរត់ ។
តាមប្រភពពីសមត្ថកិច្ចបានប្រាប់ឲ្យដឹងថា ប្តីប្រពន្ធពីរនាក់បានរៀបការជាមួយគ្នារយះពេល៥ឆ្មាំមកហើយ និងមានកូនពីរនាក់នៅក្នុងបន្ទុក ដោយអ្មកទាំងពីររស់នៅឯខេត្តបន្ទាយមានជ័យ ដោយប្តីធ្វើជាទាហាន ក្រោយមកប្រពន្ធបានមករស់នៅភ្នំពេញរយះពេល៣ឆ្នាំ ដោយប្រកបមុខរបរជាអ្នកលក់ខោអាវ ចំំណែកប្តី រស់នៅឯខេត្ត ក្នុងរយះពេល១ខែ ទើបប្តីមកជួបប្រពន្ធម្តង ។
ប្រភពបន្តទៀតថា នៅថ្ងៃកើតហេតុ ជនដៃដល់ជាប្តីបានបើករថយន្តហាយឡេនឌ័រមួយគ្រឿង ពណ៌ស ពាក់ស្លាកលេខ ប.មានជ័យ 2A-6753 មកជួបប្រពន្ធនៅឯភ្នំពេញ ហើយខលហៅទៅប្រពន្ធមកសុីផឹកនៅហាងកើតហេតុខាងលើ បន្ទាប់ពីសុីផឹករួចហើយ ប្រពន្ធបានង់ដើរចេញក្រៅ ដោយភ្លើងប្រចណ្ឌជនដៃដល់ជា ប្តីបានដកកាំភ្លើងខ្លីម៉ាក K59 បាញ់ប្រហារចំនួន ៨គ្រាប់ទៅលើប្រពន្ធ ត្រូវចំនួន៥គ្រាប់ រងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យកាលម៉ែតភ្លាមៗ ចំណែកជនដៃដល់ជាប្តីបានបើករថយន្តរត់គេចខ្លួន តែត្រូវសមត្ថកិច្ចខណ្ឌសែនសុខដេញតាមចាប់រហូតមកដល់ចំណុចមុខបូរីហ្គ្រេនភ្នំពេញ តាមបណ្តោយផ្លូវភ្នំពេញហាណូយ សង្កាត់ឃ្មួញ ត្រូវសមត្ថកិច្ចចាប់បាន រួចបញ្ជូនខ្លួនមកកាន់អធិការដ្ឋាននគរបាលខណ្ឌសែនសុខភ្លាមៗ ។
លោកវីរសេនីយ៍ឯក ហួរ ម៉ែងវ៉ាង បានបញ្ជាក់ប្រាប់ថា ករណីប្តីបាញ់ប្រហារប្រពន្ធជាច្រើនគ្រាប់ បណ្តាលឲ្យរងរបួសធ្ងន់ បណ្តាលមកពីរភ្លើងប្រចណ្ឌ ។
បច្ចុប្បន្ន ជនដៃដល់ជាប្តី សមត្ថកិច្ចកំពុងសួរនាំនៅអធិការដ្ឋាននគរបាលខណ្ឌសែនសុខ ៕តុង សីហា
