សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ ផ្ទុះធុងហ្គាសបង្កជាអគ្គិភ័យឆាបឆេះផ្ទះនៅម្តុំផ្លូវលោកតានើយ ទល់មុខពេទ្យនាគទេព ក្នុងក្រុងសៀមរាប ។
ហេតុការណ៍នេះ បានកើតឡើងកាលពីវេលាម៉ោង ១៣ ថ្ងៃទី១៤ ខែសីហា ឆ្នាំ២០១៩ នៅកន្លែងបញ្ជូលហ្គាសមួយកន្លែង តាមបណ្តោយផ្លូវលោកតាណឺយ ស្ថិតក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប ។
លោកទិត្យ ណារ៉ុង ស្នងការនគរបាលខេត្តសៀមរាប បានថ្លែងថា រាយការណ៍ជាបឋម ការខូចខាតទីតាំងបញ្ចូលហ្គាសមួយទាំងស្រុង ម៉ូតូចំនួន២គ្រឿង រថយន្តដឹកហ្គាសចំនួន ១គ្រឿង សមត្ថកិច្ចអន្តរាគមន៍ប្រើប្រាស់រថយន្តពន្លត់អគ្គិភ័យ ចំនួន៥គ្រឿង ក្នុងការអន្តរាគមន៍ពន្លត់ ពេលនេះ សមត្ថកិច្ចគ្រប់គ្រងសភាពការណ៍បានទាំងស្រុង ៕ ប៊ុនរិទ្ធី
