សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ ឧបករណ៍នេសាទល្មើសច្បាប់ជាច្រើន ដែលជនខិលខូចដាក់ដើម្បីចាប់ត្រីនៅស្រុកក្រូចឆ្មារ ត្រូវបានបង្ក្រាប ដោយកម្លាំងជំនាញនៃអធិការដ្ឋាននគរបាលស្រុកក្រូចឆ្មារ សហការជាមួយកម្លាំងប៉ុស្តិ៍នគរបាលរដ្ឋបាលទ្រា ។
ប្រតិបត្តិការនេះធ្វើឡើងនៅថ្ងៃទី១៦ ខែ សីហា ឆ្នាំ២០១៩ វេលាម៉ោង ៨.០០នាទី នៅ ចំណុចបឹងកាភី ក្រោយភូមិទ្រាទី៣ ឃុំទ្រា ស្រុកក្រូចឆ្មារ ខេត្តកំពង់ចាម ។
ជាលទ្ធផលកម្លាំងជំនាញនៃអធិការដ្ឋាននគរបាលស្រុកក្រូចឆ្មារ បង្ក្រាបបានលបស្បៃមុងចំនួន០៤ មាត់ របាំងព្រួលស្បៃមុង ប្រវែង ៥០០ ម៉ែត្រ បង្គោលឬស្សី ១៦០ បង្គោលត្រូវបានកាប់ បំផ្លាញចោលនៅហ្នឹងកន្លែង ព្រមទាំងលែងកូនត្រីចម្រុះចំនួន ៩០គីឡូក្រាម ចូលទៅក្នុងទឹកវិញ ៕ វណ្ណៈ
