សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រមួយគ្រឿង បើកលឿនមិនប្រយ័ត្នចាប់ហ្វ្រាំងមិនជាប់ ជ្រុលបុកគូទរថយន្តហ៊ីយ៉ាន់ដាយពីក្រោយ ពេញទំហឹងរងការខូចខាតខ្ទេច កាប៊ិនហើយមិនទាន់អស់ល្បឿន ជ្រុលបុកម៉ូតូមួយគ្រឿង និងរឺម៉កកង់បីមួយគ្រឿងទៀត កិនជាប់ តែមិនមានអ្នករងរបួស ។
ហេតុការណ៍នេះ បានកើតឡើងកាលពីវេលាម៉ោង១២ និង៣០នាទី ថ្ងៃទី១៦ ខែសីហា ឆ្នាំ២០១៩ នៅចំណុចមុខរោងចក្រស្បែកជើង តាមដងមហាវិថីឈ្នះឈ្នះ ស្ថិតក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីផ្នំពេញ ។
តាមប្រភព័ត៌មានបានឲ្យដឹងថា មុនពេលកើតហេតុគេបានឃើញរថយន្តម៉ាកហ៊ីយាន់ដាយ ពណ៌ទឹកប្រាក់ ពាក់ស្លាក់លេខ ភ្នំពេញ 3E 8306 ធ្វើដំណើរតាមបណ្តោយមហាវិថីវិឈ្នះឈ្នះ ក្នុងទិសដៅពីជើងទៅត្បូងលុះមកដល់ចំណុចមុខរោងចក្រ ក៏ចាប់ហ្វ្រាំងបន្ថយល្បឿង ខណៈកម្មករឆ្លងកាត់ភ្លាមនោះស្រាប់តែមានរថយន្តកុងតឺន័រសណ្តោងកន្ទុយគ្មានទូ ក្បាលពណ៌សពាក់ស្លាកលេខព្រះសីហនុ 3A 6694 ធ្វើដំណើរមកពីក្រោយក្នុងល្បឿនលឿន ចាប់ហ្វ្រាំងមិនជប់ក៏ជ្រុលបុកគូទពេញទំហឹងខ្ទេចកាបិនចំណែករថយន្តខាងមុខពុំមានរងការខូចខាតនោះទេ ហើយរថយន្តបង្កបានទាញចង្កូតទៅខាងស្តាំបន្តទៅបុកម៉ូតូហុងដាមួយគ្រឿង និងរ៉ឺម៉កកង់បីមួយគ្រឿងទៀតដែលចតនៅចិញ្ចើមផ្លូវកិនជាប់សំណាងមិនរងរបួសដល់មនុស្ស ។ តែធ្វើឲ្យកកស្ទះចរាចរណ៍យ៉ាងខ្លាំង ។
ក្រោយកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុ និងសម្រួលចរាចរណ៍បន្ទាប់មកភាគីខាងរថយន្តបង្កព្រមចេញថ្លៃជួសជុលទៅលើរថយន្តរងគ្រោះ និងម៉ូតូរួមទាំងរឺម៉កដើម្បីបញ្ចប់រឿងនៅកន្លែងកើតហេតុ ៕ សុខាសែនជ័យ
