ព័ត៌មានទាន់ហេតុការណ៍៖

គណបក្សប្រជាធិបតេយ្យ ជំរុញបក្សកាន់អំណាចរបស់លោកត្រាំបង្កើតច្បាប់គ្រប់គ្រង អាវុធ

ចែករំលែក៖

គណបក្សប្រជាធិបតេយ្យ អាមេរិក បានដាក់គំនាបទៅលើ ប្រធានាធិបតី​ដូណាល់ ត្រាំ​ ឲ្យអនុម័តច្បាប់គ្រប់គ្រង អាវុធ ឲ្យបានឆាប់បំផុត​ ដើម្បីបញ្ចៀស ​ការប្រើប្រាស់កាំភ្លើង ខុសច្បាប់សម្លាប់មនុស្សជាច្រើន​ ។

សារព័ត៌មាន​រ៉យទ័រ​ បានផ្សាយថា តំណាងរាស្ត្រគណបក្សប្រជាធិបតេយ្យ ៥ រូប​​នៅក្នុងសភា បានធ្វើសន្និសីទកាសែត ដោយមានការចូលរួម​ពីសាច់ញាតិជនរងគ្រោះផងដែរ​ ។ នៅក្នុងសន្និសីទកាសែតនោះ បាន ដាក់សម្ពាធ ទៅលើប្រធានាធិបតី​​អាមេរិកចេញច្បាប់គ្រប់គ្រងអាវុធឲ្យបានល្អបំផុត។

ប៉ុន្តែចំពោះប្រធានាធិបតីដូណាល់ ត្រាំ វិញ កាលពីថ្ងៃទី​១៦ ខែសីហា បានបញ្ចាក់ថា ចង់ទប់ស្កាត់ការបាញ់ប្រហារ អាមេរិកត្រូវតែសង់មន្ទីរពេទ្យឆ្កួតបន្ថែម ដោយអ្នកបាញ់ប្រហារជា​មនុស្សសសៃប្រសាទ ។

លោកត្រាំធ្វើឲ្យពលរដ្ឋអាមេរិកខកចិត្តកាន់តែខ្លាំង ដោយលោក បានលើកឡើងពីករណីបាញ់ប្រហារផ្ទួ​នៗគ្នានៅអាមេរិក ​នាពេលកន្លងមក សម្លាប់មនុស្សយ៉ាងច្រើន ។ ​លោកត្រាំ​មិនបានលើកពីផែនការទប់ស្កាត់ការប្រើប្រាស់កាំភ្លើងនោះឡើយ ផ្ទុយទៅវិញ​លោកថា​បើចង់ទប់ស្កាត់ការបាញ់ប្រហារ​ត្រូវតែសង់មន្ទីរពេទ្យឆ្កួតនៅអាមេរិកឲ្យបានច្រើន ព្រោះអ្នកបាញ់ប្រហារ ជាមនុស្សសសៃប្រសាទ។

សារព័ត៌មាន រ៉យទ័រ​បានលើកឡើងនៅសម្តីរបស់លោកត្រាំ ពេល​ឃោសនាបោះឆ្នោត​នៅក្នុងរដ្ឋ​ Hampshire ​សម្រាប់ការបោះឆ្នោតឆ្នាំ​២០២០។​កន្លងមកលោកត្រាំ​ បានពិភាក្សា ជាមួយ​តំណាងរាស្ត្រគណបក្សសាធារណរដ្ឋ ហើយបានសរុបសេចក្តីឃើញថា អ្នកបាញ់ប្រហារនៅអាមេរិក ពាក់ព័ន្ធសសៃប្រសាទ​។

លោកត្រាំ​បញ្ចាក់ទៀតថា​ «យើងមិនចង់ឲ្យមនុស្ស​ឆ្កួតមានកាំភ្លើងនោះឡើយ​​ ដូច្នេះយើងចាំបាច់ត្រូវតែបង្កើនមន្ទីពេទ្យ ព្យាបាលជំងឺផ្លូវ​ចិត្តពាក់ព័ន្ធសសៃប្រសាធ។ បច្ចុប្បន្នប្រធានាធិបតីដូណាលត្រាំ រងសម្ពាធយ៉ាងខ្លាំង ពីមហាជន ក្រោយបាញ់ប្រហារពីរលើកនៅ រដ្ឋតិចសាស​និង​ Ohio ៕


ចែករំលែក៖