សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្តី ប្រពន្ធ ២នាក់ ជិះម៉ូតូមួយគ្រឿងត្រូវបានជនសង្ស័យមានគ្នាចំនួន២នាក់ បានធ្វើសកម្មភាពឆក់កាបូបស្ពាយបានសម្រេច ហើយរត់គេចខ្លួន តែជនរងគ្រោះដេញចាប់បានម្នាក់វាយស្ទើរស្លាប់ ទើបប្រគល់ឲ្យសមត្ថកច្ចប៉ុស្តិ៍ស្រះចកយកទៅសួរនាំ ។
ហេតុការណ៍នេះ បានកើតឡើងកាលពីវេលាម៉ោង១០ និង១៥នាទីយប់ ថ្ងៃទី១៨ ខែសីហា ឆ្នាំ២០១៩ តាមបណ្តោយផ្លូវR6 នៅចំណុចបឹងកក់ សង្កាត់ស្រះចក ខណ្ឌដូនពេញ ។
តាមប្រភពដែលឃើញហេតុការណ៍បានឲ្យដឹងថា មុនពេលកើតហេតុ គេបានឃើញបុរសម្នាក់ជិះម៉ូតូមួយគ្រឿងម៉ាក PCX ពណ៌ស មិនចាំស្លាកលេខដឹកប្រពន្ធបើកបរតាមបណ្តោយផ្លូវក្បែរនឹងផ្សារគីឡូលេខ4 ខណៈបើកមកដល់ចំណុចកើតហេតុដឹកប្រពន្ធដល់មុខផ្ទះហើយក៏ស្រាប់តែលេចមុខជនសង្ស័យ២នាក់ ជិះម៉ូតូមួយគ្រឿងម៉ាកហុងដាឌ្រីមសេ125 ពណ៌ខ្មៅ ស៊េរី2010 មិនចាំស្លាកលេខ បានធ្វើសកម្មភាពឆក់កាបូបបានសម្រេចហើយ បំរុងបើករត់គេចខ្លួនត្រូវបានប្រជាពលរដ្ឋ និងជនរងគ្រោះបើកម៉ូតូដេញតាមពីក្រោយរហូតទៅដល់ចំណុចផ្លូវរថភ្លើងជនសង្ស័យបានផ្តួលម៉ូតូចោលហើយរត់ពេលភ្លាមៗនោះដែរក៏មានសមត្ថកិច្ចខណ្ឌ7មករាធ្វើការអន្តរាគមន៍ឃាត់ខ្លួនបានម្នាក់រួចក៏ប្រគល់ឲ្យខាងសមត្ថកិច្ចប៉ុស្តិ៍ស្រះចកដើម្បីចាត់ការតាមច្បាប់បន្ទាប់ពីសួរនាំដោយករណីកើតឡើងនៅខាងទឹកដីខណ្ឌទួលគោកទើបប្រគល់ទៅឲ្យខាងសមត្ថកិច្ចប៉ុស្តិ៍ទឹកល្អក់២ដើម្បីចាត់ការទៅតាមនិតិវិធីច្បាប់ជាមន្តផងដែរ ។
ក្នុងកាបូបរបស់ជនរងគ្រោះដែលក្រុមចោរឆក់យកទៅមានលុយចំនួន200$ជាង និងទូរស័ព្ទដៃម៉ាកសាំសុងមួយគ្រឿង និងសម្ភារះផ្សេងៗទៀតមួយចំនួននៅមុខសមត្ថកិច្ចជនសង្ស័យបានឆ្លើយសារភាពថា ខ្លួនមិនបានឆក់នោះទេគឺជាអ្នកបើកម៉ូតូបក្សពួកម្នាក់ទៀតជាអ្នកធ្វើសកម្មភាព ។
ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋនគរបាលខណ្ឌទួលគោកដើម្បីឲ្យសមត្ថកិច្ចចាត់ការទៅតាមផ្លូវច្បាប់ ៕ ធឿនព្រែកជ័យ
