សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវបានគេប្រទះឃើញដេកស្លាប់នៅចំណតឡានក្រុងនៅចំណុចមុខព្រលានអន្តរជាតិពោធិ៍តិនតុង តាមមហាវិថីសហព័ន្ធរុស្ស៊ី ស្ថិតក្នុងភូមិព្រៃទា ខណ្ឌពោធិ៍សែនជ័យ កាលពីវេលាម៉ោង៥ល្ងាច ថ្ងៃទី២០ ខែសីហា ឆ្នាំ២០១៩ ខណៈដែលជិះម៉ូតូម្នាក់ឯងដោយមានអការមិនស្រួលក៏ឈប់ដេក ។
តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញបុរសខាងលើជិះម៉ូតូម៉ាកវេវ ពណ៌ខ្មៅ គ្មានស្លាកលេខ ធ្វើដំណើរតាមមហាវិថីសហព័ន្ធរុស្ស៊ី ក្នុងទិសដៅពីលិចទៅកើត ខណៈមកដល់ចំណុចកើហេតុ ក៏បានឈប់ម៉ូតូហើយបានដេកនៅលើចំណតឡានក្រុងស្រាប់តែដាច់ខ្យល់ស្លាប់បាត់តែម្តង ។
ជនរងគ្រោះមិនទាន់ស្គាល់អត្តសញ្ញានៅឡើងទេ ពាក់អាវសដៃវែង ស្លៀកខោខ្មៅជើងខ្លី ។
ក្រោយកើតហេតុសមត្ថកិច្ចចុះមកដល់ចំណុចកើតហេតុពិនិត្យជាក់ស្តែងហើយបានបញ្ជាក់ថា ជនរងគ្រោះស្លាប់ដោយសារខ្យល់គរ រួចបានយកទៅតម្កល់ទុកនៅវត្តរងចាំស្វែងរកសាច់ញាតិដើម្បីមកទទួលយកទៅធ្វើបុណ្យតាមប្រពៃណី ៕ សុខាសែនជ័យ
