សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្ទូចម៉ាស៊ីនផលិតថង់ប្លាស្ទិច ស្រាប់តែរបូតខ្សែធ្លាក់សង្កត់ស្លាប់យ៉ាងអាណោចអាធម័ បង្កការភ្ញាក់ផ្អេីលកាលពីវេលាម៉ោង១២និង៣០នាទី ថ្ងៃទី២៤ ខែសីហា ឆ្នាំ២០១៩ នៅចំណុចក្រោយផ្ទះសំណាក់ប៉ារ៉ាឌី ផ្លូវបេតុង សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះឈ្មោះអំ សុភឿន ភេទប្រុស អាយុ៣៩ឆ្នាំ មុខរបបេីកបររថយន្តស្ទូច មានស្រុកកំណេីតនៅភូមិឈូក ឃុំរវៀង ស្រុកជេីងព្រៃ ខេត្តកំពង់ចាម។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញជនរងគ្រោះបានបេីករថយន្តស្ទូច មកស្ទូចម៉ាស៊ីនផលិតថង់ប្លាស្ទិច ខណៈកំពុងស្ទូចស្រាប់តែរបូតខ្សែធ្លាក់មកសង្កត់ជនរងគ្រោះភ្លាមនោះអ្នកនៅជិតខាងបានស្រែកឆោឡោឡេីងជួយគាស់យកចេញនិងបញ្ជូនទៅសង្គ្រោះនៅមន្ទីរពេទ្យតែអកុសលជនរងគ្រោះបានស្លាប់បាត់ទៅហេីយ ។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុពិនិត្យជាក់ស្តែង រួចប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណីនៅស្រុកកំណេីត ៕ សុខាសែនជ័យ
