សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អធិការដ្ឋាននគរបាល ខណ្ឌសែនសុខបានបញ្ជូនខ្លួនជនសង្ស័យ ចំនួន១១នាក់ ទៅតុលាការពាក់ព័ន្ធនៅក្នុងសំណុំរឿង៣ផ្សេងគ្នា នៅថ្ងៃទី២៧ ខែសីហា ឆ្នាំ២០១៩ ដោយក្នុងនោះមានករណី រក្សាទុកនូវសារធាតុញៀន២ករណី ជនសង្ស័យ៤នាក់ ករណីប្រើប្រាស់គ្រឿងញៀន៧ករណី មាន១១នាក់ និងទទួលផលចោរកម្ម១ករណី មាន១នាក់ ។
បើតាមនគរបាលជំនាញ ផ្នែកព្រហ្មទណ្ឌខណ្ឌ បានឲ្យដឹងថា ទាំង៣ករណីខាងលើនេះ សមត្ថកិច្ចនគរបាលខណ្ឌសែនសុខ បង្ក្រាបបានកន្លងមក ក្នុងមូលដ្ឋានខណ្ឌសែនសុខ ហើយបានបញ្ចាប់នីតិវិធីសាកសួរ និងកសាងសំណុំរឿងបញ្ជូនទៅតុលាការតែម្តង ។
លោកវរៈសេនីយ៍ឯក ហួរ ម៉េងវ៉ាង អធិការនគបាលខណ្ឌសែនសុខ ក៏បានសំណូមពរដល់បងប្អូនប្រជាពលរដ្ឋក្នុងមូលដ្ឋានខណ្ឌសែនសុខទាំងអស់ សូមជួយសហការណ៍ និងផ្តល់ព័ត៌មានមកកម្លាំងសមត្ថកិច្ចផង ប្រសិនបើបងប្អូនដឹងថា មានក្មេងទំនើងប្រមូលផ្តុំគ្នាប្រើប្រាស់ ឬចែកចាយនូវសាធាតុញៀន និងបទល្មើសផ្សេងៗដើម្បីឲ្យកម្លាំងរបស់លោកចុះទៅបង្ក្រាបឲ្យបានទាន់ពេលវេលាផងដែរ ៕ ចន្ទ លីហ្សា
