សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រុសស្រី៣នាក់ចេញពីក្លឹបបេីករថយន្តរ៉ឺយ៉ែចេញប៉ះរថយន្តមួយគ្រឿងទៀតរងការខូចខាតទាំងសងខាង ។
ហេតុការណ៍នេះបានកេីតឡេីងកាលពីវេលាម៉ោង២រំលងអធ្រាត្រ ឈានចូលថ្ងៃទី២៩ ខែសីហាឆ្នាំ២០១៩ នៅចំណុចមុខប្លូឡាញ ឌីស្កូក្លឹប តាមបណ្តោយផ្លូវលេខ២៧១ ស្ថិតក្នុងសង្កាត់ផ្សារដេីមថ្កូវ ខណ្ឌចំការមន។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុមានរថយន្តមួយគ្រឿងម៉ាកឡិចស៊ីសRX 300 ពណ៌ ពាក់ស្លាកលេខ ភ្នំពេញ 2AT 7291 បេីកបរដោយបុរសម្នាក់ បេីកមកចតនៅជិតក្លឹបប្លូឡាញ រួចបានចូលទៅផឹកស៊ីក្នុងក្លឹបបាត់ ។
បន្ទាប់មកក៏មានរថយន្តម៉ាកកាមរីបាឡែន ពណ៌ស ពាក់ស្លាកលេខ កណ្តាល 2B 8997 បេីកបរដោយនារីម្នាក់ និងបុរស២នាក់ទៀតរួមដំណេីរជាមួយ មកចតក្បែរគ្នារួចក៏ចូលរាំលេងក្នុងក្លឹបបាត់ដូចគ្នា។
លុះរហូតមកដល់វេលាកេីតហេតុភាគីខាងរថយន្តបាឡែនក៏ចេញមកមុនហេីយបានរ៉ឺយ៉ែរថយន្តចេញស្រាប់តែបួងចង្កូតប៉ះកាងក្រោយរថយន្តឡិចស៊ីសបណ្តាលអោយរងការខូចខាតចំណែករថយន្តបង្កក៏ធ្លាក់ការខាងមុខបែកស្តុបម្ខាងតែមិនមានមនុស្សរងរបួសនោះទេ ។
ក្រោយកេីតហេតុភាគីទាំងសងខាងបានធ្វេីការសម្របស្រួលគ្នាដោយភាគីខាងរថយន្តបង្កព្រមចេញថ្លៃជួសជុលទៅលេីរថយន្តឡិចស៊ីសដេីម្បីបញ្ចប់រឿង៕ សុខាសែនជ័យ
