សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវបាននគរបាលឃាត់ខ្លួនបន្ទាប់ពីជិះម៉ូតូសណ្តោងរ៉ឺម៉កដើរលួចសម្ភារ តាមមុខផ្ទះតែ ខណៈកំពុងលួចដែកក៏ត្រូវនគរបាលមកដល់ ។
ការឃាត់ខ្លួននេះបានធ្វើឡើងនៅវេលាម៉ោង ៥និង៣០នាទីព្រឹក ថ្ងៃទី៣ ខែកញ្ញា ២០១៩ ចំណុចមុខបន្ទប់ជួល ក្រុម៥ ស្ថិតក្នុងភូមិប៉ប្រ៉កខាងត្បូង សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យឈ្មោះ យេន សុភ័ក្រ ភេទប្រុស អាយុ ២០ឆ្នាំ មុខរបរធ្វើសំណង់ និងស្នាក់នៅបន្ទប់ជួល ភូមិប៉ប្រកខាងជើង សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះឈ្មោះ ជិន ស៊ីនួន ភេទប្រុស អាយុ ៣៤ឆ្នាំ មុខរបរតំឡើង និងតុបតែងរោងការ ស្នាក់នៅផ្ទះលេខ២២៣ ស្ថិតក្នុងភូមិភូមិប៉ប្រកត្បូង សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ ។
សម្ភារដែលរឹបអូសបានវិញមាន៖ ដែកវែងមួយដើម និងម៉ូតូសណ្តោងកង់បីមួយ ។
តាមនគរបាលអោយឲ្យដឹងថា មុនពេលកើតកម្លាំងចុះល្បាតក្នុងមូលដ្ឋាន ខណៈមកដល់ចំណុចកើតហេតុស្រាប់តែប្រទះឃើញជនសង្ស័យកំពុងលើកដែកដាក់រទះដោយមានការសង្ស័យក៏សួរនាំទើបដឹងថាមិនមែនម្ចាស់ ក៏ឃាត់តែម្តង ។
បច្ចុប្បន្នជនសង្ស័យ បានបញ្ជូនមកកាន់ផ្នែកជំនាញ នៃអធិការដ្ឋាននគរបាលខណ្ឌពោធិ៍សែនជ័យ ដើម្បីសួរនាំ និងឃុំខ្លួនជាបណ្តោះអាសន្ន ចាត់ការតាមនីតិវិធី ៕ សុខាសែនជ័យ
