សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ស្រវឹងបើករថយន្តម៉ាកម៉ែកសឺដេស បួងចង្កូតជ្រុលបុករថយន្តដែលចងស្ងៀមចំនួន២គ្រឿង បណ្តាលឲ្យរងការខូចខាតកាលពីវេលាម៉ោង១០និង៣០នាទីយប់ ថ្ងៃទី៨ ខែកញ្ញា ឆ្នាំ២០១៩ នៅចំណុចផ្លូវលេខ១១៣កែងផ្លូវ២៧៦ ស្ថិតក្នុងសង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តម៉ាក morning ចំនួន២គ្រឿង ដោយមួយគ្រឿងពាក់ស្លាកលេខ ភ្នំពេញ 2AP 7801 និងមួយគ្រឿងទៀតពាក់ស្លាកលេខ ភ្នំពេញ 2R 8500 ដែលចតស្ងៀម នៅលើចិញ្ចើមផ្លូវ លេខ១១៣ លុះមកដល់ថ្ងៃកើតហេតុស្រាប់តែមានរថយន្តម៉ាកម៉ែកសឺដេស ពណ៍ទឹកប្រាក់ ពាក់ស្លាកលេខភ្នំពេញ 2W 1057 បើកបរដោយបុរសម្នាក់ធ្វើដំណើរតាមបណ្តោយផ្លូវលេខ២៧៦ក្នុងទិសដៅពីកើតទៅលិចក្នុងល្បឿនលឿន ហើយបានបួងចង្កូតបត់ទៅត្បូងតាមផ្លូវ១១៣ ក៏ជ្រុលបុករះរថយន្តទាំងពីរគ្រឿងពេញទំហឹងបណ្តាលឲ្យរងការខូចខាត ។ ភ្លាមនោះ រថយន្តបង្កបានព្យាយាមបើករត់រហូតទៅដល់ផ្លូវ២៨០ ទើបប្រជាពលរដ្ឋដេញចាប់បាន និងវាយខ្ទេចកញ្ចក់រថយន្តឃាត់ម្ចាស់ប្រគល់ឲ្យសមត្ថកិច្ច ។
ក្រោយកើតហេតុសមត្ថកិច្ចមូលដ្ឋានបានចុះទៅដល់ ចំណុចកើតហេតុវាស់វែងយកទៅរក្សាទុករង់ចាំដោះស្រាយតាមច្បាប់ ៕ សុខាសែនជ័យ
